| e-texts navigator |
| Wylie |
70a1 འདབ་རྫབ་བསྣན་དང་འདྲ་སྟེ་སྐམ་དུས་མེད།། བར་དུ་འོད་གསལ་ལུས་ལ་ནི།། འོད་གསལ་རྟོགས་པའི་གཟེར་མེད་ན།། དམུས་ལོང་ཟང་ལ་གཅོད་པ་འདྲ།། བག་ཆགས་ལེ་ལོ་ཐིབས་ནོན
70a2 ནས།། ཕྱིན་པའི་ཡུལ་མེད་སྲིད་པའི་བར་དོར་འཁྱམས་པར་འགྱུར།། ཞེས་སེང་གེ་སྒྲའི་དགོངས་པ་ལས། དུས་བཞི་མཉམ་པར་དགོངས་པ་སྦྱོར་བའི་ལེའུ་སྟེ་དོན་གསུམ་པའོ།། །། ཀྱེ། བཅོམ་ལྡན་ཐུགས
70a3 རྗེ་ཐབས་ཀྱི་བདག། དགོངས་པ་དུས་བཞི་མཉམ་པར་སྦྱར་བྱས་ནས།། དགོངས་པ་ཉམས་ཀྱི་དྲོད་རྟགས་ཇི་ལྟར་འབྱུང་།། བཀའ་སྩལ་པ། རྣལ་འབྱོར་སྐུ་གསུམ་ཇི་ལྟར་ཡིད་ཆེས་ང་།། སེམས་ཅན་དུས་ན་སངས
70a4 རྒྱས་དགོངས་པར་ཤར།། འཁོར་བའི་བློ་ལ་འཁྲུལ་པ་རང་ངོར་ལོག། དུས་ལ་འགྱུ་བ་མེད་ཀྱང་ཡེ་ཤེས་སྣང་བ་འཆར།། འཁྲུལ་པ་ང་བདག་སྣང་བ་ངོ་བོར་ཟད།། འཇིག་རྟེན་གནས་ཀྱང་ཀུན་ཏུ་འོད་ཀྱི་ས་ནོན
70a5 ཏེ།། འཁྲུལ་པའི་སྡུག་བསྔལ་བདེ་བ་ཆེན་པོར་གྲོལ།། མངོན་ཤེས་ཕྲ་མོ་མེད་ཀྱང་ཐམས་ཅད་མཁྱེན་པའི་ཤེས་རབ་ཤར།། འཁྲུལ་པ་རང་དག་འཁོར་བ་རྒྱུན་ཆད་དོ།། དེར་བརྡ་དོན་སྤྲད་པས་རང་ངོ་ཤེས།། འགྲོ
70a6 དོན་ལས་ལ་མཚམས་མི་སྦྱོར།། མ་རིག་དབྱིངས་སུ་དག་ནས་མཁྱེན་པའི་འཆར་སྒོ་བྱེ།། སྐུ་གསུམ་སྙིང་པོ་འགྱུར་མེད་པས།། འཛིན་རྟོག་ཟང་ཐལ་ཤར་བས་རྫུ་འཕྲུལ་མངོན་ཤེས་ལྡན།། ཕྱི་ཡི་སྣང་བ་དག་སྣང
iiif viewer powered by OpenSeadragon
