| e-texts navigator |
| Wylie |
6b1 བའི་འབྱུང་ལྔ་ལུ་ཏི་འོད།། སྡུག་བསྔལ་འབྱུང་ལྔ་ཕུང་པོ་ལྔ།། སྒྱུ་མ་འབྱུང་ལྔ་ཕྱི་ཡི་ཡུལ།། ལྟ་བའི་འབྱུང་ལྔ་ཡེ་ཤེས་ལྔ།། སྒོམ་པ་འབྱུང་བའི་སྐུ་ལྔ་ཉིད།། སྤྱོད་པའི་འབྱུང་ལྔ་རིགས་ལྔ་ཉིད།། ལམ་གྱི་འབྱུང་ལྔ
6b2 རིགས་འཛིན་ལྔ།། རྟགས་ཀྱི་འབྱུང་ལྔ་ཕྱག་མཚན་ལྔ།། ཚོན་གྱི་འབྱུང་ལྔ་གཞལ་ལྔ་ཉིད།། འབྲས་བུ་འབྱུང་ལྔ་ལྷུན་གྲུབ་སྐུ།། ཡེ་ཤེས་རིན་པོ་ཆེ་རང་འབར་བ་ལས།། ཆོས་ཐམས་ཅད་བརྡར་བསྟན་པའི་ལེའུ་སྟེ་བཞི
6b3 པའོ།། །། དེ་ནས་དེ་བཞིན་གཤེགས་པ་ཐམས་ཅད་ཀྱིས་ཡེ་ཤེས་ཐམས་ཅད་རང་ཤར་བ་འདི་བརྗོད་དོ།། ཆོས་ཐམས་ཅད་མི་འགྱུར་བའི་ཡེ་ཤེས་སོ།། ལྟ་བ་མི་འགྱུར་ཡེ་ཤེས་ཟང་ཐལ་ལོ།། སྒོམ་པ་མི་འགྱུར་མ
6b4 བཅོས་ཀུན་གཞིའི་ཀློང་།། སྤྱོད་པ་མི་འགྱུར་རིག་པའི་རང་འགྲོས་སོ།། ཆོས་རྣམས་མ་བྱས་རང་བྱུང་ལ།། སེམས་ཉིད་མ་བཅོས་ཀུན་གཞི་དངོས་གཞིར་ཤར།། རིག་པ་མ་བྱས་དངོས་པོ་མེད་པར་འབྱུང་།། སྒོ་ལྔ་མ
6b5 བྱས་ཡེ་ཤེས་རང་འོད་འབར།། སྣང་བ་མ་བྱས་ཆོས་སྐུར་རང་འོད་འབར།། རྩ་གནད་མ་བྱས་བདེ་གསལ་འོད་དུ་འབར།། ཕུང་པོ་མ་བྱས་རིག་པའི་རང་འོད་འབར།། བྱང་ཆུབ་སེམས་ཉིད་རང་གྲོལ་ཏེ།། ཐོག་མཐའ
6b6 མེད་ནས་རང་གྲོལ་འབར།། དངོས་དང་བྲལ་བས་རང་གྲོལ་འབར།། སྣང་བ་ཡོད་ཏུ་གྲོལ།། རིག་པ་རང་བྱུང་ཆེན་པོར་གྲོལ།། སེམས་ཉིད་རྒྱུ་རྐྱེན་མེད་པར་གྲོལ།། ཆོས་ཉིད་སྟོང་པར་ཡེ་ཤེས་ཤར།། རིག་པ་སྟོང
iiif viewer powered by OpenSeadragon
