| e-texts navigator |
| Wylie |
6a1 སེར་ལབ་ཆུང་པདྨའི་ཤམ་བུ་ཅན།། གཡས་པ་བུམ་པ་གཡོན་པ་པདྨ་འཕྱར།། སྒྲིབ་མེད་ཡེ་ཤེས་ཁྱབ་བརྡལ་སྐུས།། ཉེས་སྐྱོན་རྣམ་དག་སྐུ་མདོག་ལྗང་།། ཨ་དཀར་ལབ་ཆུང་རྒྱ་གྲམ་ཤམ་བུ
6a2 ཅན།། གཡས་རལ་གཡོན་པ་འཕྲུལ་ཞགས་རྐྱོང་།། ཡེ་ཤེས་སྐུ་ལྔ་རང་འབར་བའོ།། དེ་ནས་གཉིས་མེད་བདེ་གཤེགས་ཀྱིས།། དངོས་པོ་མེད་པས་ཀུན་གྱི་དངོས་གཞིར་ཤར།། འགྱུར་བ་མེད་པས་ཀུན་གྱི་རྟེན་དུ
6a3 གནས།། གདོད་ནས་རང་བྱུང་ཀུན་གྱི་ངོ་བོར་འབར། ཁ་དོག་འབར་བ་ཁ་དོག་མེད་པས་ཀུན་གྱི་སྣང་བ་ཤར།། ཕྱོགས་རིགས་མེད་པས་ཀུན་གྱི་དབྱིངས་སུ་གྱུར།། སྤྲོས་པ་མེད་པས་ཀུན་གྱི་བདེ་བར་ཤར།། བྱས་པ
6a4 མེད་པས་ཡེ་རྫོགས་ལྷུན་གྱིས་གྲུབ།། བགྲོད་པ་མེད་པ་ཡེ་ཤེས་དབྱིངས་སུ་ཕྱིན།། དབང་པོ་ལྔ་ཡི་རང་བཞིན་ནི།། དུག་ལྔ་འཆར་བས་རིགས་དྲུག་སྒོ།། རིག་པ་འཆར་བས་ཡེ་ཤེས་ལ།། སྣ་ཚོགས་འབྱུང་བས་ཡེ
6a5 ཤེས་ཡུལ།། དངོས་མེད་སྣང་བ་ཆོས་སྐུ་གསལ།། ང་བདག་འབྱེད་པ་འབྲུ་ལྔའི་འོད།། སྣ་ཚོགས་གསལ་བ་འོད་ཟེར་བཀྲག། དུག་ལྔ་འབྱུང་བ་དྲངས་མ་ལྔ།། སྒྱིད་སྡུག་འབྱུང་བ་རྩ་བྲན་བཅུ།། སྐྱེ་ཤི་འབྱུང་བ་རྩ་ལྔ
6a6 བླངས།། ཆོས་ཉིད་འབྱུང་ལྔ་འོད་གསལ་ཉིད།། ཆོས་སྐུ་འབྱུང་ལྔ་ཡེ་ཤེས་ལ།། ཡེ་ཤེས་འབྱུང་ལྔ་རྩ་ལྔ་ཉིད།། རིག་པ་འབྱུང་ལྔ་འབྲུ་ལྔ་འབར།། སྣང་བའི་འབྱུང་ལྔ་སྐུ་ལྔ་ཉིད།། ཕུང་པོ་འབྱུང་ལྔ་དངས་མ་ལྔ།། བདེ
iiif viewer powered by OpenSeadragon
