| e-texts navigator |
| Wylie |
69a1 ལ་རྫོགས་པས་འབྲས་བུ་རྩོལ་བ་མེད།། སྙིང་པོ་ནང་གསལ་ཆོས་སྐུའི་སྣང་བ་ལ།། སྒོ་ལྔ་འོད་གསལ་ལོངས་སྐུ་ཡུལ་སྣང་ངོ་།། སྤྲུལ་པའི་སྣང་བ་ཡེ་ཤེས་ཟང་ཐལ་ཏེ།། ཤར་བ་ཐམས་ཅད་སྒྲིབ་མེད
69a2 ཡེ་ཤེས་བཀྲག། སྣང་བ་ཐམས་ཅད་དངོས་མེད་འོད་གསལ་གདངས།། ཉམས་ལེན་ཐམས་ཅད་མ་བཅོས་འོད་གསལ་དང་།། རྟོག་པ་ཐམས་ཅད་ཟདང་ཐལ་ནམ་མཁའི་མཐའ།། ལུས་ངག་སྤྱོད་པ་རང་ཤུགས་པར
69a3 སྣང་རླུང་།། ཡོན་ཏན་ཐམས་ཅད་མ་བཙལ་རྒྱ་མཚོའི་རླབས།། འབྲས་བུ་སྒྲུབ་མེད་ཡེ་ཤེས་ཉི་མའི་དཀྱིལ།། འཁོར་བ་རང་གྲོལ་བྱང་ཆུབ་རིན་ཆེན་གླིང་།། རྟོགས་ལྡན་དོན་ལ་ཇི་ལྟར་སྤྱད་ཀྱང་སྙིང་པོའི
69a4 དོན།། འཁོར་འདས་ཐམས་ཅད་ཆོས་སྐུ་འགག་མེད་རྩལ།། འོན་ཀྱང་གཟུང་འཛིན་རྟག་པར་ལྟ་བས་འཁོར་བར་འཆིང་།། སེང་གེ་སྒྲ་ལས། དགོངས་པ་བཅའ་བའི་ལེའུ་སྟེ་དོན་གཉིས་པའོ།། །། ཀྱེ། བཅོམ
69a5 ལྡན་ཐུགས་རྗེ་ཐབས་ཀྱི་བདག། དུས་བཞི་མཉམ་པར་ཇི་ལྟར་སྦྱར།། བཀའ་སྩལ་པ། རིག་པ་ལྟ་བུ་བག་ཆགས་སྦུབས་ན་གསལ་དུས་སུ།། ཆོས་སྐུ་བག་ཆགས་སྦུབས་ན་འཐུམས་ཞེས་བྱ།། ལོངས་སྐུ་ཙིཏྟ་དཔལ
69a6 བེའུའི་ནང་གསལ་བ།། སྦྲུལ་སྐུ་འདོད་པའི་སྒོ་གསུམ་རང་གྲོལ་ཡང་།། སྐུ་གསུམ་གདངས་ཀྱི་འོད་གསལ་སྒོ་ལྔར་ཟང་ཐལ་ཤར།། ཤར་བ་གསལ་བ་ངོ་མ་ཤེས་པས་སྒྲིབ་པ་བྱུང་།། ཟང་ཐལ་ངོ་མ་ཤེས་པས་རྟོག
iiif viewer powered by OpenSeadragon
