| e-texts navigator |
| Wylie |
68b1 འདི་གཅུད་ལ་སྒྲིལ།། དབང་པོ་རང་ཡན་བཀུག་པས་རྟོགས་གྲོལ་བདེ་བ་ལུས་ལ་འཆར།། བར་དུ་གསེངས་ལ་ཤེས་རིག་ངང་ལ་གཅུ།། དེ་ལུས་ངག་གི་བྱིན་རླབས་ནུས་པ་སྐྱེས།། ཐ་མ་ཤེས་པ་གློད་ལ་འགྱུ་བ་རང
68b2 ཡན་གཏང་།། གཟུང་འཛིན་གཅུད་ལ་བོར་བས་རིག་པ་རང་གསལ་འཆར།། ཤར་བའི་ཚེ་ན་ལྷག་དེ་རང་དགར་མཐོང་།། ལྷག་གེ་ས་ལེ་དང་ལ་འབྲལ་མེད་བྱ།། འདི་ནི་ཡེ་ཤེས་རང་ཡན་བདེ་བ་ཆེན་པོའི
68b3 ཀློསློང་།། རང་བྱུང་ཡེ་ཤེས་ཆོས་སུ་གཞི་བཞེངས་ལ།། ལྟ་བ་རྟོགས་པས་འདི་ལ་ཅི་ཞིག་ལྟ།། རིག་པ་འོད་གསལ་ལམ་དུ་ཤར་བ་ལ།། སྒོམ་པའི་སེམས་འཛིན་འདི་ལ་ཅི་ཞིག་སྒོམ།། ཀུན་ཏུ་བཟང་པོ་དོགས་པ་མེད
68b4 དབྱིངས་ལ།། རིག་པའི་རྒྱལ་པོའི་ངང་ལ་རང་གྲོལ་ཐབས།། སྤྱོད་པ་དཀའ་ཐུབ་འདི་ལ་ཅི་ཞིག་བྱ།། སྙིང་པོ་སྐུ་གསུམ་ལྷུན་གྲུབ་རང་ཆས་ཁྱབ།། རྩོལ་བས་བགྲོད་ནས་འབྲས་བུ་ཅི་ཞིག་ཚོལ།། དགོངས་པས་མཚན
68b5 མ་རང་གྲོལ་ཏེ།། ཉམས་ལ་དུས་མི་འགྱུར་ཡང་སྣང་བ་འགྱུར།། བདེ་ཆེན་ཡེ་ཤེས་ཤར་བའི་དྲོད་ཚད་ཡིན།། ཆོས་སྐུ་ཡེ་ཤེས་སྒོ་ལྔ་རང་ཤར་ལ།། སྣང་བ་ངོ་བོར་དག་པས་རྩལ་སྣང་རང་གྲོལ་ལོ།། དགོངས་པ་རང
68b6 ལ་ཤར་བས་ཤེས་རབ་རྒྱུན།། བག་ཆགས་བག་ལ་ཞ་བས་སྒྲིབ་མེད་ལུང་།། སྣང་བ་རྣམ་དག་གཞི་སྣང་ཆེན་པོ་ལ།། རང་བྱུང་སྐུ་གསུམ་བྱས་པའི་ཆོས་མ་ཡིན།། འོད་གསལ་སྒྲིབ་མེད་རྟོག་པ་མེད།། སྐུ་གསུམ་རང
iiif viewer powered by OpenSeadragon
