| e-texts navigator |
| Wylie |
68a1 རབ་ཀྱིས།། ནམ་མཁའ་བཞིན་དུ་དངོས་བྲལ་ལྟ།། རང་རིག་ཉམས་སུ་ལེན་པ་ནི།། ཡེ་ཤེས་རང་བཞིན་འགག་མེད་ལ།། རང་སྣང་རང་ཤར་གཟུང་འཛིན་བྲལ།། མེ་ལོང་གཟུགས་བརྙན་ལྟར་དུ
68a2 སྤྲད།། རྟོག་པས་ཉམས་སུ་བླང་བ་ནི།། བྱ་བྲལ་ལྷུན་རྫོགས་གཤོག་རྒྱངས་འདྲ།། རང་རིག་རང་གསལ་དང་ལ་གནས།། དགོངས་པ་ཡེ་ཤེས་ཉམས་ལེན་ནི།། དཔེར་ན་ཆུ་བོ་གངྒཱ་བཞིན།། རྒྱུན་གྱི་ངང་ལ་ཉམས་སུ
68a3 བླང་།། འབྲས་བུ་ལ་ཟློས་ཉམས་ལེན་ནི།། ཉི་མའི་འོད་ཟེར་ཤར་བ་བཞིན།། སྐུ་གསུམ་འབྲལ་མེད་དང་ལ་བླང་།། རྣལ་འབྱོར་ལམ་གྱི་ཉམས་ལེན་ནི།། ཤེས་རབ་ཆེན་པོ་དོན་ལས་ནི།། དགོངས་པ་མ་ཡེངས
68a4 ཉམས་སུ་བླང་།། རྣལ་འབྱོར་ལུས་ཀྱི་ཉམས་བླང་བ།། དང་པོར་དབེན་པར་སེམས་གཟུང་ནས།། རྟོགས་ནས་རིག་པའི་རྩལ་སྦྱང་སྟེ།། ངེས་ཤེས་རྟོགས་པ་ཤར་ན་གཉིས་མེད་སྤྱོད་པ་བྱ།། ཞེས་སེང་གེ་སྒྲ་དགོངས
68a5 པའི་རྒྱུད་ལས། ཉམས་སུ་ལོང་ཞིག་པར་གདམས་པའི་ལེའུ་སྟེ་དོན་གཅིག་པའོ།། །། ཀྱེ། བཅོམ་ལྡན་ཟུགས་རྗེ་ཐབས་ཀྱི་བདག། ཉམས་སུ་བླང་བའི་གང་ཟག་རྣམས།། ཅིག་ཅར་རྟོགས་སམ་རིམ་གྱིས་བགྲོད།།
68a6 རྩོལ་བས་གྲུབ་བམ་བཙལ་མེད་ཤར།། བཀའ་སྩལ་པ། ཨ་ཏི་ཅིག་ཅར་རྟོགས་པའི་དགོངས་པ་ཡང་།། ཡིན་དོན་ཅིག་ཅར་རིག་པའི་དོན།། གོ་རྟོགས་དུས་གྲོལ་དུས་སུ་རིམ་གྱིས་དཔྱད།། དབང་པོ་བག་ཆགས་ལུས
iiif viewer powered by OpenSeadragon
