| e-texts navigator |
| Wylie |
67b1 ལྡན་མ།། ཉམས་སུ་བླངས་ན་ཇི་ལྟ་བུ།། མ་བླངས་སྐྱོན་ནི་གང་ལྟར་ལགས།། བཀའ་སྩལ་པ། རང་བྱུང་ཡེ་ཤེས་གནས་ལུགས་ལ།། རྟོགས་པས་ཉམས་སུ་མ་བླངས་ན།། ལམ་ལ་གནས་པའི་གང་ཟག་ནི།། སྐུ
67b2 གསུམ་ལྷུན་གྲུབ་ཡིན་མོད་ཀྱང་།། ད་རུང་ཡེ་ཤེས་རྩལ་མ་རྫོགས།། བག་ཆགས་སྦུབས་སུ་ཡང་བརྒྱུད་སྲིད།། གང་ཟག་རྩོལ་བས་མི་སྒྲུབ་ན།། རྟོགས་པའི་ཚིག་ལ་འཆེལ་བ་ནི།། དཔེར་ན་རྒྱལ་པོའི་དཀོར་མཛོད
67b3 ལ།། དབུལ་པོས་བསྔོས་ཀྱིན་བཏབ་ཀྱང་ནི།། འབྱོར་པའི་ལོངས་སྤྱོད་ཐོབ་མི་འགྱུར།། དེ་བཞིན་ཡེ་ཤེས་བཞི་ཡི་དོན།། བརྩོན་པས་ཉམས་སུ་མ་བླངས་ན།། ཡེ་ཤེས་མཁྱེན་པ་རྩལ་མི་རྫོགས།། སྐུ་གསུམ་སྦུབས
67b4 ལ་ཞ་བར་འགྱུར།། ཡེ་ཤེས་གཟུང་འཛིན་ངང་ལ་ཡལ།། ངེས་པའི་འབྲས་བུ་མི་ཐོབ་པས།། མ་རིག་མཚང་ཅན་སྐྱུར་ལ་གདོན།། གཟུང་འཛིན་སྨྱོན་པ་ལམ་དུ་གཟུང་།། གཞོན་ནུ་རིག་པ་གདོང་ལ་བལྟ།། ཡུལ་དང
67b5 གཟུང་འཛིན་སྡོང་ཟུག་ཡང་བྲལ།། ལུས་ངག་ཡིད་གསུམ་འདོད་ཡོན་ལྔས་མི་གཡེང་།། རྣམ་ཤེས་ལྔ་ནི་དུག་ལྔའི་དབང་མི་གཏང་།། འདུས་བྱས་ཁ་འཛིན་བྱ་བ་གཏང་།། ཟོས་བྲོས་འགྱུ་བྱེད་བཙོན་རར་གཟུང་།།
67b6 དངོས་ཀྱི་རྟོག་བཅས་དགེ་སྡིག་ལམ་དུ་མི་བྱ་ཞིང་།། བདེན་དང་རྟག་པའི་ངོ་བོ་སྟོང་ཉིད་མི་སྒོམ་སྟེ།། རྩོལ་བས་འཆིང་བའི་དོན་ལ་སྦྱོར་བ་མ་ཡིན་པས།། ཆོས་སྐུ་མཚན་མར་མི་ལྟ་བར།། རྣལ་འབྱོར་ཟག་མེད་ཤེས
iiif viewer powered by OpenSeadragon
