| e-texts navigator |
| Wylie |
66a1 སྦུབས་འཁྱམས་འཁོར་བ་བགྲོད་པའི་ཕྱིར།། སྐལ་ལྡན་རིག་པ་ལམ་དུ་ཇི་ལྟར་དགྲོལ།། ཀྱེ། རིགས་ཀྱི་བུ་དག་ངེས་པར་ཟུང་།། གདངས་ལ་རིག་པ་འཁྲུལ་པ་ནི།། རིག་པ་མ་འཁྲུལ་ཟེར་གྱི་འཛིན
66a2 པ་འཁྲུལ།། རབ་རིབ་ཅན་གྱི་མིག་བུ་བཞིན།། མེད་པར་ལོག་སྣང་འཛིན་པ་ཞུགས།། དངོས་སུ་གྲུབ་པ་མ་ཡིན་ཏེ།། རྟོག་པ་རགས་པ་ཕྱི་ནང་དང་།། བར་གྱི་ཉོན་མོངས་ནང་གི་གཟུང་འཛིན་རྟེན།། གདོས་བཅས
66a3 བག་ཆགས་ཤ་ཁྲག་སྦུབས་ཀྱིས་འགྲོ་དྲུག་འཁོར་བར་བརྒྱུད།། དེ་ཡིས་འགྲོ་དྲུག་སྡུག་བསྔལ་ལམ་ལ་སྤྱོད།། ཕྱི་རྒྱ་ནང་རྒྱ་གསང་བ་རྒྱ།། རྒྱ་གསུམ་རང་སར་གྲོལ་བའི་གདམས་ངག་ནི།། རྒྱ་གསུམ་རང་གྲོལ་ཁ
66a4 སྤྲོསྤྱོད་ཁྲིད་ཀྱིས་བསྟན།། སྒྱུ་མ་རྨི་ལམ་འཇའ་ཚོན་ཚུལ་དུ་ནི།། སྣང་སྟོང་དངོས་མེད་རང་བཞིན་བལྟ།། རྟོགས་པར་གྱུར་པའི་སྐལ་ལྡན་ནི།། སྣང་བ་ཟང་ཐལ་དངོས་མེད་པས།། རིག་པའི་རང་གདངས་ངང་དུ
66a5 གྲོལ།། ཞེས་སེང་གེ་སྒྲ་དགོངས་པ་ལས། རྟོགས་པ་རྒྱ་འགྲོལ་ལེའུ་སྟེ་རེ་བརྒྱད་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། སྒྱུ་མར་སྣང་བ་འཇི་ལྟར་བལྟ།། ཞེས་བཀའ་སྩལ་པ། འོད་སྣང་རྟོགས
66a6 པ་བརྟས་པས་དངོས་མེད་སྒྱུ་མ་འཇིག། འབྱུང་སྣང་དུས་ཀྱི་སྒྱུ་མ་དབྱར་དགུན་ལོ་ཟླར་འགྱུར།། རང་བཞིན་རྡུལ་འདུས་ཟང་ཐལ་སྒྱུ་མ་དངོས་མ་གྲུབ།། རྨི་ལམ་ལམ་པས་བལྟ་བ་ནི།། རྨི་ལམ་རྟག་པར་སྣང་བ
iiif viewer powered by OpenSeadragon
