| e-texts navigator |
| Wylie |
65b1 དང་།། རིག་པ་གསལ་བའི་ནམ་མཁའ་གསུམ།། དབྱེར་མེད་སྟོང་ཞིང་བདག་མེད་པས།། དགོངས་པ་རང་ཤར་སྐུ་གསུམ་རང་བཞིན་ཞེས་སུ་བྱ།། རང་རིག་ཡེ་ཤེས་གསལ་བ་དང་།། རང་བཞིན་གདངས་གསལ
65b2 མ་མཁའ་ལ།། མ་འགགས་སྒྲོན་མའི་གདངས་གསལ་བ།། གསལ་བ་ཟང་ཐལ་རང་བཞིན་སྟོང་།། དབྱེར་མེད་དགོངས་པའི་བདག་ཉིད་ཆེན་པོའོ།། མདོར་ན་ཡེ་ཤེས་རང་ཤར་ངོ་བོ་ནི།། སྐུ་གསུམ་ཡེ་ཤེས་སྙིང་པོ
65b3 རིག་པར་གནས།། རིག་པའི་ཡེ་ཤེས་ནམ་མཁའི་གདངས་ལ་སྒྲོན་མར་གསལ།། སྐུ་གསུམ་ལྷུན་གྲུབ་རིག་པའི་ཐིག་ལེའི་འོད་གསལ་བས།། གཟུང་འཛིན་རྣམ་རྟོག་ཕྲ་རགས་འཁོར་བའི་ས་བོན་ནོ།། བག་ལ་ཉལ
65b4 སོགས་ཡེ་ཤེས་ངོ་བོར་གྲོལ།། རང་རིག་སྤྲོས་བྲལ་ཡེ་ཤེས་ཆོས་ཀྱི་སྐུ།། སྐུ་གསུམ་མཁྱེན་པ་མཐའ་རུ་བསྐྱལ་ནས་ནི།། མཁྱེན་པའི་ཡེ་ཤེས་རྣམ་ལྔ་དེ་རུ་འཆར།། ཤེས་བྱ་ཕྱི་ནང་མེད་པར་རང་གྲོལ
65b5 མཁྱེན།། ཞེས་སེང་གེ་སྒྲའི་དགོངས་པ་ཐེག་དམན་ཟིལ་གྱིས་གནོན་པ་ཉི་ཟླ་ཁ་སྦྱོར་རྒྱུད་ལས། སྐལ་ལྡན་ཡེ་ཤེས་རང་ཤར་བའི་དོན་རྒྱས་པར་བཤད་པའི་ལེའུ་སྟེ་རེ་བདུན་པའོ།། །། ཀྱེ། བཅོམ་ལྡན་ཐུགས
65b6 རྗེ་ཐབས་ཀྱི་བདག། སེམས་ཅན་ལོག་སྣང་ཡེ་ཤེས་གདངས་འཁྲུལ་བ།། ཡུལ་སྣང་མ་རིག་གཟུང་འཛིན་བརྟས།། བག་ཆགས་ལས་ཀྱིས་མཐའ་སྦྱར་ནས།། སྣང་བ་འཁྲུལ་པའི་ང་བདག་བཅིངས།། བག་ཆགས
iiif viewer powered by OpenSeadragon
