| e-texts navigator |
| Wylie |
64a1 གུད་པ་འོད་གསལ་གཞན་མི་བཙལ།། ཞེས་སེང་གེ་སྒྲ་ཡི་དགོངས་པའི་རྒྱུད་ལས། དགོངས་པའི་ཁྱབ་བརྡལ་འགྲོ་འོང་ཀུན་ལ་ཁྱབ་པར་འཆར་བའི་ལེའུ་སྟེ་རེ་དྲུག་པའོ།། །། ཀྱེ། བཅོམ
64a2 ལྡན་ཐུགས་རྗེ་ཐབས་ཀྱི་བདག། སྐུ་གསུམ་གདངས་ཀྱི་ཡེ་ཤེས་སྣང་བ་སྟེ།། སྐལ་ལྡན་སྒྲོན་མ་ངོ་བོ་ཇི་ལྟར་གནས་པ་གསུང་དུ་གསོལ།། བཀའ་སྩལ་པ། ཡུལ་དང་ཡུལ་ཅན་མི་གཅོད་དེ།། སྐད་ཅིག་རང་གིས་འོད
64a3 གསལ་བ།། ངོ་བོར་མི་འཛིན་བག་ཆགས་རྗེས་མི་གཅོད།། བདེ་སྡུག་བློ་ཡིས་མི་སྡུད་རང་གདངས་གསལ་བའི་ངང་།། ཡེ་ཤེས་རང་ཤར་སེམས་ལས་མ་འདྲེས་པ།། སྔར་འབྱུང་བཞིན་སྣང་སེམས་དང་མ་འདྲེས
64a4 ཏེ།། རྟོག་པ་འཁྲུལ་པ་འཛིན་པ་གསུམ་མ་ཡིན།། ཕྱིས་བྱུང་ལས་འབྲས་སེམས་དང་མ་འདྲེས་ཏེ།། ཉོན་མོངས་བག་ཆགས་སྡུག་བསྔལ་སེམས་མ་ཡིན།། ད་ལྟ་ངོ་བོ་སེམས་དང་མ་འདྲེས་པ།། འཁྲུལ་སྣང་ལོག་སྣང
64a5 རྣམ་ཤེས་བློ་ཟུར་སེམས་མ་ཡིན།། རང་རིག་འོད་གསལ་ཟང་ཐལ་རང་ཤར་དེ།། ཡིད་མིན་སེམས་མིན་སྐད་ཅིག་རང་གསལ་བ།། སོ་སོར་རང་རིག་མི་གཡོ་བདེ་བ་ཆེ།། དེ་ཡི་ངོ་སྤྲོད་རང་བཞིན་བསྟན་པ་ནི།། བླ
64a6 མའི་བརྡ་ཡིས་སྟོན་པའི་ཚིག། ཕྱི་སྣང་བ་སྒྱུ་མ་ཟང་ཐལ་སྤྲད་པས་ནི།། འཁྲུལ་པ་རང་གྲོལ་སྐུ་གསུམ་འོད་གདངས་འཆར།། བར་སྒྲོན་མེའི་གདངས་ལ་ངོ་སྤྲད་པས།། ཉོན་མོངས་གདོས་བཅས་ཡེ་ཤེས་ངང་དུ
iiif viewer powered by OpenSeadragon
