| e-texts navigator |
| Wylie |
63b1 ཤེས་ཆོས་ཀྱི་སྐུ།། རང་ལ་རང་གསལ་སྣོད་བཅུད་ཡེ་སངས་རྒྱས།། ལས་དང་ཐུགས་རྗེ་མཐའ་གཉིས་རྟོགས་པས་རྣམ་པར་དག། ས་དང་རྣམ་ཐར་བྱང་ཆུབ་མཆོག་ལ་རིག། བགྲོད་དུ་མེད་པའི་ཆོས་ཉིད་བྱང་ཆུབ
63b2 ལམ།། བགྲོད་པར་འདོད་པས་ཡེ་ཤེས་མཐའ་ལ་སྒྲིབ།། མ་བསགས་བཞིན་དུ་ཚོགས་གཉིས་ཡེ་རྫོགས་པས།། མ་སྦྱངས་བཞིན་དུ་སྒྲིབ་གཉིས་ཡེ་དག་ལ།། མ་སྐྱེད་མ་སྐྱེས་འོད་ཀྱི་ཕོ་བྲང་ནས།། ཡེ་ཤེས་ལྷ
63b3 སྐུ་སྤྱན་དྲངས་བཞུགས་མི་དགོས།། རང་ཤར་རང་སྣང་དགོངས་པར་ཆོད་པ་ལ།། མི་རྟོག་སྟོང་ཉིད་སེམས་ལ་དམིགས་མི་དགོས།། ཨ་ཨོཾ་ཧཱུཾ་གི་རང་བཞིན་ནི།། ཟེར་འོད་རྒྱུན་ཆད་མེད་པར་ཡེ་གནས་པས།། གསུང
63b4 གི་བཟླས་པས་རྩོལ་པ་བསྐྱལ་མི་དགོས།། འགྱུར་བ་གཟུང་འཛིན་རང་གྲོལ་ཟང་ཐལ་ལ།། དུག་ལྔ་བཀག་ལ་དགེ་བ་སྤྱད་མི་དགོས།། སྐུ་གསུམ་འོད་གསལ་ངོ་བོར་ཤར་བ་ལ།། ཀུན་ཏུ་འོད་ལ་རིམ་གྱིས་བགྲོད
63b5 མི་དགོས།། ཆེད་དུ་བྱར་མེད་ཡེ་ནས་ལྷུན་གྲུབ་ལམ།། དཔེར་ན་མར་མེ་སྙིང་པོ་རང་གི་འོད་ལ་གནས་པ་ལྟར།། རང་རིག་འོད་གསལ་ཡེ་ཤེས་རང་གདངས་གནས།། འདས་དང་མ་བྱོན་ད་ལྟར་སངས་རྒྱས
63b6 ཀྱང་།། གཉིས་མེད་རོ་གཅིག་ཡེ་ཤེས་གདངས།། སྐལ་ལྡན་ལམ་པ་རྣམས་ཀྱང་དགོས་པ་དེ་ལ་བལྟ།། གཉིས་མེད་རོ་གཅིག་ཆུ་ལ་ཆུ་བཞག་བཞིན་དུ་གྲོལ།། རང་རིག་འོད་གསལ་ཡེ་ཤེས་རང་ལ་འཆར།། དེ་ལས
iiif viewer powered by OpenSeadragon
