| e-texts navigator |
| Wylie |
63a1 ཀྱང་།། དགོངས་པའི་ཁྱབ་བད་ལ་ཇི་ལྟར་ལགས།། ངེས་པར་ཉམས་སུ་གང་ལྟར་བླང་།། བཀའ་སྩལ་པ། རང་བཞིན་དག་པའི་ནམ་མཁའ་ལ།། ཆོས་ཉིད་དག་པ་ནམ་མཁའ་ཀུན་ལ་ཁྱབ།། ཆོས་ཉིད
63a2 དག་པའི་ནམ་མཁའ་ལ།། རིག་པ་ཡེ་ཤེས་ནམ་མཁའི་ཉི་མ་ཤར།། ཕྱོགས་རིས་མེད་པ་ཀུན་ཏུ་འོད་གསལ་བ།། ཡིད་ཀྱི་རྣམ་རྟོག་ཅི་བྱུང་ཅི་འགྱུར་ཡང་།། མ་ཕམ་མཚོ་ལ་གསེར་གྱི་ཉ་མོ་ལྟར།། ཆོས་ཉིད་རིག་པ
63a3 ཡེ་ཤེས་དོན་ལ་གཡོས་པ་མེད།། མ་འགགས་རིག་པ་གཉིས་མེད་འོད་གསལ་བ།། བརྟགས་དེ་ངོ་བོར་གཟུང་ཡང་མཐོང་རྙེད་རྟོགས་བྲལ་མེད།། ཟབ་མོའི་ཆ་ཤས་རྟོག་པའི་ཡུལ་ལས་འདས།། མན་ཤེལ་སྐུ་ལྟར
63a4 རང་རིག་རྒྱུད་དག་པས།། སྒྲོན་མ་ཕྱི་ཉིད་གསལ་བ་རིག་པའི་ནང་།། དྲི་མེད་ཟང་ཐལ་དག་པ་ཆོས་ཀྱི་སྐུ།། ས་ཆུ་མེ་རླུང་ནམ་མཁའ་སྣང་བ་ཡང་།། མ་རྟོགས་བློ་ལ་མཚན་མར་སྣང་མོད་ཀྱང་།། རྟོགས་པའི་བློ་ལ
63a5 རང་བཞིན་ཡོངས་ཀྱི་མེད།། ཟང་ཐལ་འོད་གསལ་གདངས་སུ་སྣང་བ་ཤར།། དཔེར་ན། ནམ་མཁར་སྣང་བ་འཇའ་ཚོན་ཤར་བ་ཡང་།། མཁའ་ལས་ལོགས་ན་མེད་ཀྱང་ལོགས་ལྟར་སྣང་།། ནམ་མཁའི་ནང་ན་གནས
63a6 ཤིང་དེ་ལས་མི་བསྐྱོད་ཀྱང་།། ལོག་ལྟ་བྱིས་པའི་སྣང་བས་སོ་སོར་ཕྱེ།། ཆོས་ཉིད་ཆོས་སྐུ་དབྱེར་མེད་ནམ་མཁའ་ཁྱབ་བདལ་ལ།། སྒྲོན་མར་ལོག་རྟོག་ཤར་ཡང་ཟང་ཐལ་འགག་པ་མེད།། གསལ་ལ་རྟོག་མེད་ཡེ
iiif viewer powered by OpenSeadragon
