| e-texts navigator |
| Wylie |
62a1 དེ།། ཡེ་ཤེས་ཐུགས་རྗེ་སྟོང་པར་འགྱུར།། ལོངས་སྐུ་སྦྲུལ་སྐུར་མི་བཤད་དེ།། འོད་སྣང་ཆོས་དབྱིངས་རྣམ་དག་སྐྱོན།། ཆོས་སྐུ་ཐུགས་སུ་མི་བཤད་དེ།། དེ་ཉིད་ཐུགས་སུ་བཤད་པ་ན།། ཁྱབ་བདལ་ཡེ
62a2 ཤེས་སྐུ་འགག་འགྱུར།། ལོངས་སྐུའི་སྐུར་ནི་མི་བཤད་དོ།། དྲན་རིག་གདོས་བཅས་སྐུར་མི་འགྱུར།། སྦྲུལ་སྐུ་འགྲོ་བར་མི་བཤད་དོ།། ཐུགས་རྗེ་རྫུ་འཕྲུལ་མེད་པར་འགྱུར།། སངས་རྒྱས་ཐུགས་མཆོག་རིག་པ་དྲི
62a3 མེད་ལ།། ངོ་བོ་སྟོང་པ་གདངས་འོད་གསལ།། མཚན་ཉིད་དབྱེར་མེད་ཡོན་ཏན་འགྱུར་བ་མེད།། སྐུ་ནི་དྲི་མེད་འོད་གསལ་ལ།། སྣང་དུ་ཡོད་ལ་རེག་པ་བྲལ།། སྐུ་གསུམ་རང་གི་ངོ་བོ་ནི།། གཅིག་པ་མ་ཡིན་ཐ་དད
62a4 མིན།། དེ་ཉིད་གཞན་དུ་བརྗོད་མེད་དང་།། སྐུ་གསུམ་འབྲལ་མེད་ཉི་མའི་ཟེར་འོད་ཚུལ།། གཅིག་དང་གཉིས་པས་ཐ་དད་གྲོལ་བར་གནས།། བརྡ་དོན་སྤྲད་པའི་ཡེ་ཤེས་རྟོགས་པ་དང་།། ཐུགས་ཀྱི་ཤེས་རིག་ཤར
62a5 བའི་དགོངས་པ་ནི།། གཅིག་པ་མ་ཡིན་ཐ་དད་དོན་མི་རྙེད།། རྒྱལ་བས་ཐབས་ཀྱི་རིམ་པར་བསྟན་པ་ཡིན།། རྟོགས་པའི་བློ་དེ་དགོངས་པ་མ་ཡིན་ཏེ།། དེ་ཉིད་དགོངས་པ་ཐ་སྙད་ཚིག་ཏུ་འགྱུར།། གདམས་ངག་ཕྲད
62a6 པས་ག་ལ་གྲོལ།། ཉམས་ལེན་དགོངས་པ་མ་ཡིན་ཏེ།། དགོངས་པ་དྲན་རིག་གློ་བུར་འགྱུར།། འདུས་བྱས་དྲན་རིག་ཡེ་ཤེས་རྟོག་བྲལ་ག་ལ་ཐོབ།། དགོངས་པ་རྟོགས་པ་མ་ཡིན་ཏེ།། ཡེ་ནས་རང་ཤར་ལུང་དང
iiif viewer powered by OpenSeadragon
