| e-texts navigator |
| Wylie |
61b1 རྫོགས།། ཕུང་པོ་ལྔ་ཡིས་ཆ་གཟུང་མི་གསལ་སྐུ།། ཕྱག་རྒྱ་དྲན་རིག་ཚོར་བར་བཅས་པའོ།། ཀུན་གཞི་སེམས་ཀྱི་མེ་ལོང་གཟུང་འཛིན་དྲན་རིག་པ།། འོད་ལྔ་ཕོ་བྲང་ཡེ་ཤེས་ལྷ་ཡི་གནས།། འཇུག་པ་སྒོ་ལྔ་ཐུགས་རྗེ
61b2 འགྲོ་བ་འདུལ་བའི་དཀྱིལ་འཁོར་གནས།། སེམས་དཔའ་སེམས་མ་ཟེར་དུ་འཕྲོས་པས་ན།། སེམས་དཔའ་སེམས་མ་མི་གསལ་ཟེར་ལ་རོལ་པར་བཞུགས།། འབྲས་བུ་སྐུ་གསུམ་ཡེ་ཤེས་རྩལ་རྫོགས་བཞི་བཅུ་རྩ
61b3 གཉིས་ནི།། གསལ་འཚེར་ལྷུན་སྡུག་ཡེ་ཤེས་འོད་གསལ་སྐུ།། དེ་ཡི་སྦྲུལ་སྐུ་ཐུགས་རྗེ་ཐུབ་པ་དྲུག། གང་ལ་གང་འདུལ་ཆོས་ཅན་འཚམ་པར་སྟོན།། མི་གནས་ཡེ་ཤེས་ཆོས་སྐུ་དབྱིངས་ལ་ཐིམ་པའི་ཚེ།། དེ་བཞིན
61b4 གཤེགས་པའི་ཆོས་ལྔ་དག་ཏུ་མྱ་ངན་འདས།། གཞི་ལ་ལམ་དུ་མི་བྱ་ཏེ།། རང་རིག་མ་ཤར་སྐྱོན་དུ་འགྱུར།། གཞི་ལ་འབྲས་བུར་མི་བྱ་སྟེ།། སྤྱིར་ཡང་འཁྲུལ་པའི་སྐྱོན་དུ་འགྱུར།། འབྲས་བུ་ལམ་དུ་མི་བྱ་སྟེ།། འཁོར
61b5 བ་རང་གྲོལ་སྐྱོན་དུ་འགྱུར།། འབྲས་བུ་གཞིར་ནི་མི་བྱ་སྟེ།། ཡེ་ཤེས་མཁྱེན་རྩལ་མེད་པར་འགྱུར།། ལམ་ལ་གཞིར་ནི་མི་བྱ་སྟེ།། ཡེ་ཤེས་མཚོན་དུ་མེད་པར་འགྱུར།། ལམ་ལ་འབྲས་བུར་མི་བྱ་ཏེ།། ཉམས་བླང་རྩོལ
61b6 མེད་ཐལ་མར་འགྱུར།། ཆོས་སྐུ་ལོངས་སྐུར་མི་བཤད་དེ།། ཆོས་སྐུ་གཞན་སྣང་རྟོག་པར་འགྱུར།། ཆོས་སྐུ་སྦྲུལ་སྐུར་མི་བཤད་དེ།། ཆོས་སྐུ་གདོས་བཅས་འཇིག་པར་འགྱུར།། ལོངས་སྐུ་ཆོས་སྐུར་མི་བཤད
iiif viewer powered by OpenSeadragon
