| e-texts navigator |
| Wylie |
61a1 ཀུན་གྱི་འབྱུང་གནས་ཆེན་པོར་ནི།། ཁྱབ་བདལ་ནམ་མཁའི་མཐའ་དང་མཉམ།། ཆོས་དབྱིངས་ཁྱབ་བདལ་ཡེ་ཤེས་དྲངས་མའི་སྐུ།། ས་ནི་ཐབས་མཆོག་ལྡོག་པའི་གདངས།། མ་ནི་ཤེས་རབ་ཆོས་ཀྱི
61a2 དབྱིངས།། གདངས་ཀྱི་སྙིང་པོ་སྐུ་གསུམ་རང་ལ་ཤར།། ལྷུན་གྲུབ་རང་བྱུང་སྙིང་པོ་འོད་ཀྱི་དཀྱིལ་འཁོར་ལ།། བཀོད་པ་ལྷ་ཡི་དཀྱིལ་འཁོར་སྒོམ་མི་དགོས།། ཉི་ཤུ་རྩ་བརྒྱད་གཉིས་པ་ནི།། ངོ་བོ་ཉིད་ལ་ངོ་བོ་ཉིད
61a3 ཤར་བ།། སྲོག་མེད་ལོངས་སྐུ་རིགས་ལྔ་འཁོར།། སེམས་དཔའ་སེམས་མ་དབང་པོ་ཡུལ་ཤར་བ།། མ་གཡོས་དབྱིངས་ན་འཇའ་ཚོན་འབར་བའི་སྐུ།། འཇའ་ཚོན་སྐྱིལ་ཀྲུང་ཡེ་ཤེས་སྣང་བ་ལམ་མེ་པ།། གཞི་སྐུ་རང
61a4 བྱུང་གནས་ལུགས་སྤྱི་སའོ།། ལམ་པའི་གང་ཟག་རྣམས་ལ་ཇི་ལྟར་བཞུགས་པ་ནི།། དཀྱིལ་འཁོར་ལྔ་ཡི་དབུ་ཉིད་ལ།། མི་གསལ་བ་ཡི་ཚུལ་དུ་བཞུགས།། སྣང་སྲིད་དབྱིངས་ཀྱི་དཀྱིལ་འཁོར་ན།། ད་ལྟ་སེམས
61a5 དེ་ཐམས་ཅད་བཞུགས།། སྒྲོན་མ་འོད་ཀྱི་དཀྱིལ་འཁོར་ན།། རིག་པ་ཆོས་སྐུ་ཟང་ཐལ་བཞུགས།། ཙིཏྟ་ཐུགས་ཀྱི་དཀྱིལ་འཁོར་ན།། ལོངས་སྐུ་རྩ་བརྒྱད་འཇའ་ཚོན་འོད་གསལ་བ།། ཀུན་ཏུ་བཟང་པོ་ཆོས་ཉིད་མི
61a6 འགྱུར་བ།། ཁ་དོག་སྣ་ཚོགས་དབྱིངས་དང་ཡེ་ཤེས་ཡབ་ཡུམ་ཚུལ།། མཉམ་གཞག་མཚོན་གང་ཚད་དུ་གནས།། རྟགས་ཀྱི་གསང་སྒོ་སྒྲོན་མ་མཚོན་གང་ངོ་།། རིགས་ལྔ་ཐིག་ལེ་འོད་ལས་དྭངས་མའི་རྩལ་དུ
iiif viewer powered by OpenSeadragon
