| e-texts navigator |
| Wylie |
60b1 མེད་ཡི་གེ་མེད།། སེམས་དེ་ཚིག་ལ་བརྟེན་ནས་བདེན་ལམ་ཚོལ་བ་ཡང་།། ཆོས་རྣམས་ངོ་བོ་མ་བཅིངས་རང་གྲོལ་ལོ།། ཡེ་ཤེས་རྒྱལ་བ་ཚིག་ལས་འདས་པའི་དོན།། སྨྲ་བའི་ཁྱུ་མཆོག་གཞན་གྱི་དྲིང་མི་འཇོག།
60b2 ནི་དྲི་མེད་ཡེ་ཤེས་སྐུ་ཉིད་ལ།། དགེ་སྡིག་ལ་འདས་གདོད་ནས་སྙིང་པོའི་དོན།། རྩོལ་བས་མཐོ་དམན་འབྲས་བུ་རྩིས་ལས་འདས།། ང་ཉིད་སྟོང་པ་ཡེ་ཤེས་སྙིང་པོ་ཅན།། བདེ་སྡུག་རང་གྲོལ་འོད་གསལ་རིག་པའི
60b3 སྒྲ།། དབྱེར་མེད་འདུ་འབྲལ་མེད་པ་ངོ་བོ་ཉིད།། རྩལ་གྱི་རོལ་པ་ཐུགས་རྗེ་རྒྱན་ཤར་བ།། མ་འདྲེས་སོ་སོར་གསལ་ཡང་དབྱེར་མེད་རྒྱ་མཚོའི་ངང་།། རྒྱ་མཚོ་ཀློང་ཡངས་དགོངས་པ་མཐར་སྒྲོལ་ཞེས།། སེང་གེ་སྒྲ་ཡི
60b4 དགོངས་པའི་རྒྱུད་ཉི་ཟླ་ཁ་སྦྱོར་ལས། རྒྱ་མཚོ་ཀློང་ཡངས་དགོངས་པའི་ལེའུ་སྟེ་རེ་བཞི་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། བཞི་ལམ་འབྲས་བུའི་གནས་ལུགས་ལ།། སོ་སོར་གནས
60b5 ལུགས་ཐ་དད་གཅིག། སྐུ་གསུམ་དངོས་དང་དབྱེ་བ་དང་།། ལམ་པའི་གང་ཟག་རྣམས་ལ་ནི།། བདག་དང་རྟོགས་པའི་དོན་དང་ནི།། དགོངས་པ་རང་ཤར་གནས་ལུགས་དང་།། ཉམས་སུ་ལེན་པའི་ལམ་རིམ
60b6 རྣམས།། ཐ་དད་གཅིག་པ་གསུང་དུ་གསོལ།། བཀའ་སྩལ་པ། ཀྱེ་རྡོ་རྗེ་འཛིན་པ་ངེས་པར་ཟུངས།། གཞི་ཡི་གནས་ལུགས་བསྟན་པ་ནི།། མ་བྱུང་མ་སྐྱེས་སྔོན་རོལ་ནས།། ཐོག་མའི་སངས་རྒྱས་འོད་དཔག་མེད།།
iiif viewer powered by OpenSeadragon
