| e-texts navigator |
| Wylie |
60a1 ཡེ་ནས་རང་རྩལ་སྣང་བ་རྟོགས།། ནོར་བུ་དགོས་འདོད་རང་བྱུང་དགོངས་པ་ཚད་དུ་སྩོལ།། ཞེས་སེང་གེ་སྒྲ་ལས། ནོར་བུ་རིན་པོ་ཆེ་དགོངས་པའི་ལེའུ་སྟེ་རེ་གསུམ་པའོ།། །། ཐུགས་རྗེ་བྱམས
60a2 པས་བཀའ་སྩལ་པ།། བཅོམ་ལྡན་འདས་རྒྱ་མཚོ་ཀློང་ཡངས་ཏིང་ངེ་འཛིན་ལས་བཞེངས་ནས། བདེ་འོ་ཡངས་སོ་རྒྱ་མཚོའི་ཀློང་།། རྒྱ་མཚོར་གཟའ་སྐར་ཤར་བ་མ་འདྲེས་སོ་སོར་གསལ།། དེ་བཞིན་ཆོས་ཉིད་རྣམ
60a3 དག་སྤྲོས་བྲལ་རིག་པའི་ངང་ཉིད་ལ།། སྐྱེ་མེད་ཀློང་ནས་ཡེ་ཤེས་མ་འདྲེས་སོ་སོར་གསལ།། སྐུ་གསུམ་རྒྱལ་བའི་དགོངས་པ་རྒྱ་མཚོ་འདྲ།། ཨ་ཏི་ཡངས་པའི་ཀློང་ན་རྣམ་དག་པ།། ཡེ་ཤེས་ངང་ལས་སྤྲུལ་པའི་སྐུར
60a4 བསྟན་ཡང་།། ཐུགས་རྗེ་རྩལ་གྱིས་འགྲོ་བའི་དོན་མཛད་དེ།། རྩལ་འཁྲུལ་ཆོས་མིན་སྐད་ཅིག་མངོན་སངས་རྒྱས།། དེ་ཕྱིར་སངས་རྒྱས་ཆོས་ལ་གནས་མ་ཡིན།། ཆོས་ནི་སེམས་དེ་གནས་པའི་རྣམ་རྟོག
60a5 ཡིན།། མཚོན་ཚིག་བྱང་ཆུབ་ཆོས་རྣམས་ཀྱང་།། བརྡས་འགྲོལ་ཚིག་ལ་བྱང་ཆུབ་དོན་མ་ཡིན།། ཀྱེ་རིགས་ཀྱིས་བུས་ངེས་པར་ཟུངས།། དེ་ཕྱིར་མགོན་པོ་དྲི་མེད་པས།། སྐུ་གསུམ་རང་བྱུང་ཡེ་ཤེས་ཐུགས་རིག
60a6 པ།། ཆོས་ལ་མ་བརྟེན་རང་བྱུང་དབྱིངས་ལ་ཤར།། དེ་ཕྱིར་ཆོས་ཀྱི་སངས་རྒྱས་མ་བཤད་དེ།། ཆོས་ནི་ཚིག་ལ་འབྲང་ཞིང་ཚིག་ལ་གནས།། རང་བྱུང་ཡེ་ཤེས་ངོ་བོ་ཚིག་མཐའ་འདས།། དེ་ཕྱིར་ཡང་དག་དོན་ལ་ཚིག
iiif viewer powered by OpenSeadragon
