| e-texts navigator |
| Wylie |
59b1 མེད་ཀློང་ནས་རང་བཞིན་འོད་གསལ་བ།། བག་ཆགས་སྦུབས་ནས་སྒྲོན་མར་རང་ཤར་གསལ།། ནམ་མཁའི་ཀློང་ནས་ཉི་མ་ཤར་བ་འདྲ།། སྐུ་གསུམ་དབྱེར་མེད་གསལ་བ་ཡེ་ཤེས་ཀློང་།། གསལ་ཡང་དངོས་མེད
59b2 དག་པ་ཆུ་ཟླ་འདྲ།། སྣང་ལ་དངོས་མེད་པར་སྣང་འཇའ་ཚོན་ཚུལ།། སྐུ་གསུམ་རིག་པའི་ཡེ་ཤེས་རྡོ་རྗེ་ཐུགས།། ཙཏྟིའི་ཤིང་ལ་གེལ་བའི་འབྲས་བུ་དང་།། ཡེ་ཤེས་མེ་ཏོག་འབྲས་བུར་བཅས།། འགྲོ་བ་དུག་ལྔ་ནད
59b3 ལས་སེལ་བའི་སྨན།། རང་བྱུང་རང་གནས་ནོར་བུ་རིན་པོ་ཆེ།། ཕྱི་ནང་སྣོད་བཅུད་ངོ་བོ་རང་ལ་གྲོལ།། གཞན་ལས་ལྟོས་གྱུར་ཆོས་མ་ཡིན།། གླང་ཆེན་འདམ་དུ་བྱིང་བ་དང་།། འགྲོ་བ་མ་རིག་རང་བཅིངས
59b4 གཉིས།། གཞན་གྱིས་ཡང་དག་གང་བར་འགྱུར།། ཆོས་ཀྱིས་ཡང་དག་དོན་ལ་བརྗོད་ནུས་ཀྱང་།། ཚིག་གིས་ཡང་དག་དོན་ལ་གནས་མི་ནུས།། དེ་ཕྱིར་དགེ་སྦྱོང་རྣམ་སྨིན་ཡེ་ཤེས་དོན་ལ་བསྒྲིབས།། ཆོས་ཀྱི་བློ
59b5 ཡིས་སྤྲོས་བཅད་ཆོས་ལ་གནས།། མན་ཤེལ་དག་པ་དྲི་མེད་ལྟར་དུ་རང་རིག་ཞོག། ཐ་མལ་ཤེས་པ་བློ་ཡིས་བཅོས་པ་ནི།། དེ་ཡི་ནོར་བུ་རིན་ཆེན་འདམ་དུ་བྱིང་།། ཡེ་ཤེས་རང་སྣང་ངོ་བོར་ཤར་བ་ལ།། བསླད་པར
59b6 བྱ་བའི་ཆོས་ནི་སྒྲིབ་པ་ཡིན།། ཐབས་ཀྱི་རྒྱལ་པོ་སྟོབས་ཀྱི་རིག་པ་ཤར།། ཆེ་བའི་ཡོན་ཏན་གཞན་ལ་དཔག་ཏུ་མེད།། རིག་པའི་ཡེ་ཤེས་ཆུ་བོ་རྒྱུན་གནས་ལ།། དངོས་པོ་མཚན་མ་དེ་ལ་བར་མ་བཅད།། ཆོས་རྣམས
iiif viewer powered by OpenSeadragon
