| e-texts navigator |
| Wylie |
58b1 རང་གདངས་ལ།། མཁས་པས་ཇི་ལྟར་སྒོམ་སྣང་འགྲུབ།། ཆོས་སྐུ་ནམ་མཁའ་རྣམ་དག་ཀློང་།། རང་གི་ངོ་བོ་བརྗོད་བྱ་མེད།། སྐུ་དང་ཡེ་ཤེས་རོལ་བ་ཀུན།། ནམ་མཁའི་ཀློང་ན་ཇི་ལྟར་སྣང་།། ནམ་མཁའ་རྣམ་དག
58b2 དགོངས་པ་མཐར་རྫོགས།། ཞེས་སེང་གེ་སྒྲ་ཡི་རྒྱུད་ལས། ནམ་མཁའ་རྣམ་དག་དགོངས་པའི་ལེའུ་སྟེ་རེ་གཅིག་པའོ།། །། ཡང་ཐུགས་རྗེ་བྱམས་པས་བཀའ་སྩལ་པ། བཅོམ་ལྡན་འདས་ཉི་ཟླ་ཁ་སྦྱོར་གྱི་ཏིང་ངེ
58b3 འཛིན་ལས་བཞེངས་ནས། ཆོས་རྣམས་འགག་མེད་ཟུང་འཇུག་བསྟན།། རང་བྱུང་ཡེ་ཤེས་ཤེས་རབ་རྟོགས་གྲོལ་བ།། རང་གྲོལ་སྦྲུལ་གྱི་པགས་པ་བཞིན་ཏེ་གཞན་འགྱུར་གནས་མ་ཡིན།། བག་ཆགས་སྦུབས་ནས
58b4 རིག་པ་གསལ་འཆར་བ།། ཐབས་དང་ཤེས་རབ་ཉི་ཟླ་ཁ་སྦྱོར་ཚུལ།། ཡེ་ཤེས་སྒོ་ལྔ་འཇུག་པའི་སྒོ་ལྔ་ནས།། ཟུང་འཇུག་འགག་མེད་ཁང་ཁྱིམ་མཐོང་ཁུངས་ནམ་མཁའ་འདྲ།། ཐུགས་རྗེ་རྩེ་གཅིག་ཡེ་ནས་གནས
58b5 པས་དག། བྱས་པའི་ཆོས་མིན་སྐུ་གསུམ་ཡེ་རྫོགས་ཤར།། ཐེག་བརྒྱད་བློ་ཡིས་ཡེ་རྫོགས་མི་མཐོང་སྟེ།། རུས་སྦལ་མིག་གིས་ཉི་མ་མི་མཐོང་བཞིན།། རིག་པའི་གསང་རྟགས་ཡེ་ཤེས་མཚོན་གང་བ།། རྟོགས་པ་ཀློང
58b6 དུ་སུ་འགྲིས་པ།། འདི་ཉིད་མི་གནས་མྱ་ངན་འདས།། རང་བཞིན་རྣམ་དག་སྐུ་གསུམ་ལ།། སྒྲུབ་དང་རྩོལ་བས་མ་ཡིན་མཁའ་ལ་ཉི་ཤར་ཚུལ།། རྒྱུ་རྐྱེན་འདས་པའི་འབྲས་བུ་ཆོས་སྐུ་ལ།། རྩོལ་བས་ས་ལམ་བགྲོད
iiif viewer powered by OpenSeadragon
