| e-texts navigator |
| Wylie |
58a1 ལ་འདས་ཆོས་སྐུར་ཤར་བ་དེ།། ཁྱུང་ཆེན་གཤོག་རྫོགས་དགོངས་པ་མཐར་སྒྲོལ་ཞེས།། སེང་གེ་སྒྲ་ལས། ཁྱུང་ཆེན་གཤོག་རྫོགས་དགོངས་པའི་ལེའུ་སྟེ་དྲུག་ཅུ་པའོ།། །། ཐུགས་རྗེ་བྱམས་པས
58a2 བཀའ་སྩལ་པ།། བཅོམ་ལྡན་ནམ་མཁའ་རྣམ་དག་ཏིང་འཛིན་ལས་བཞེངས་ནས།། རེ་དོགས་རྣམ་དག་མཐའ་བྲལ་ཆོས་ཉིད་བསྟན།། རྡོ་རྗེ་ཐུགས་ལ་ཡེ་ཤེས་སྐུ།། ཚིག་གཅིག་མཚོན་པས་དོན་ཆེན་སྤུངས།། རྣམ
58a3 དག་ལམ་ཆེན་བགྲོད་མེད་རང་གྲོལ་གནས།། མ་སྐྱེས་གསང་བའི་དཀྱིལ་འཁོར་འགྲོ་བ་ཀུན་ལ་རྫོགས།། དོན་ཉིད་འགྲོ་ཀུན་མ་རིག་པས།། ལམ་རྒྱུད་ལྔ་ཡི་འཁོར་བར་འཁྲུལ།། དེ་ཕྱིར་མགོན་པོ་དྲི་མེད་ངས།། ཡེ
58a4 ཤེས་ལྷུན་རྫོགས་དྲི་མེད་འོད་གསལ་བ།། རང་བྱུང་མེ་ལོང་ཡེ་ཤེས་ལྔ་བཅས་དཔེ།། མཚོན་བྱེད་སྐུ་གདུང་མན་ཤེལ་ཟུར་ལྔ་པ།། འགྲོ་བ་ཀུན་དོན་རྒྱལ་བས་ལུང་བསྟན་ཏོ།། སྣ་ཚོགས་འཁྲུལ་གཞི་ངོ་བོ་ནི།། ནམ
58a5 མཁའ་ལ་ནི་སྤྲིན་བཞིན་དུ།། རང་གྲོལ་སྤྲོས་བྲལ་ཆོས་ཉིད་ངང་དུ་དྲངས།། ཨེ་མ་སངས་རྒྱས་ཡེ་ཤེས་སྐུ།། རྟོགས་པར་དཀའ་བ་སྙིང་པོའི་དོན།། ཚིག་དང་ཡི་གེའི་སྤྱོད་ཡུལ་མིན།། རང་རིག་གདོད་ནས་མ་སྐྱེས
58a6 པས།། ཨེ་མ་མཉམ་ཉིད་རིག་པའི་གློང་།། མིང་དུ་བཏགས་པའི་ཆོས་ཀུན་ཡང་།། མཉམ་པ་ཉིད་དེ་ནམ་མཁའི་དང་།། ཨེ་མ་ཧོ་ཆོས་སྐུ་རང་རིག་རྩལ།། ཡེ་ནས་སྣང་ལ་འགག་མེད་པ།། དེ་ཉིད་དག་པའི
iiif viewer powered by OpenSeadragon
