| e-texts navigator |
| Wylie |
57a1 མཛད།། སྙིང་པོའི་དོན་སྟོན་མུན་པའི་རྟོག་པ་སེལ།། ཞེས་སེང་གེ་སྒྲ་སྒྲོགས་ཐེག་དམན་ཟིལ་གྱིས་གནོན་པ་ཡེ་ཤེས་ཟུང་འཇུག་ཉི་ཟླ་ཁ་སྦྱོར་དགོངས་པའི་རྒྱུད་རྒྱས་པ་ལས། ངོ་སྤྲོད་མེ་ལོང་དཔེ
57a2 བརྡར་ཇི་ལྟར་བྱུང་བའི་ལེའུ་སྟེ་ང་བརྒྱད་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། རྟོགས་ལྡན་དགོངས་པ་ཇི་ལྟར་ལགས།། བཀའ་སྩལ་པ། བཅོམ་ལྡན་སེང་གེ་རྣམ་པར་བསྒྱིངས་པའི་ཏིང་འཛིན
57a3 ལས་བཞེངས་ནས།། ཚིག་བཤད་སེང་གེ་འབྲུག་གི་སྒྲ་ལྟར་བསྒྲགས།། རྡོ་རྗེ་ལྟ་བུ་རིག་པའི་ཡེ་ཤེས་ནི།། ནམ་མཁའ་ལྟ་བུར་དག་པོ་མེད།། འོད་གསལ་དྲི་མེད་ངང་གི་ངོ་བོ་ལ།། གཉེན་པོས་མི་ཤིགས་རྐྱེན་གྱིས་མི
57a4 འགྱུར་བས།། དགེ་དང་སྡིག་པ་དེ་ཡི་སྤྱོད་ཡུལ་མིན།། རང་དབང་ཐབས་ཀྱིས་རྫོགས་པས་རྩལ་གསུམ་ལུས་ལ་ཚང་།། མཐོ་དམན་གླིང་དུ་གྱུར་པས་ཡེ་ཤེས་ཐབས་ཀྱི་སྐུ།། ས་དང་ལམ་མི་བགྲོད་པས་བདེ་འབྱམ་ཡེ
57a5 ཤེས་དབྱིངས།། རྒྱུད་ལ་བྱང་ཆུབ་འདོད་པ་སྡིག་པའི་ལས།། སུ་ལ་སྙིང་རྗེ་མ་བཟང་སྡིག་པའི་བག་ཡོད་མིན།། ཅི་སྟེ་སྲོག་མེད་སྲོག་བཅད་སྡིག་འགྲོ་ན།། ཡེ་ནས་ཆད་པ་སུ་ལ་སྡིག། སྙིང་རྗེ་ཡེ་གྲོལ་ཐུགས་རྗེ་གང
57a6 ལ་བྱ།། མཆོད་དང་དགེ་བྱ་འཛིན་པའི་ལས།། གང་དང་གྲོལ་བ་རང་སར་ལྷུན་གྲུབ་གྲོལ།། བྱ་བྲལ་དང་ལ་གནས་པའི་སྐལ་ལྡན་ནི།། རྡོ་རྗེ་མི་འཆང་སྔགས་དང་རྫས་མི་རྟེན།། དབེན་པར་མི་འདུག་མཆོད་གཏོར
iiif viewer powered by OpenSeadragon
