| e-texts navigator |
| Wylie |
54a1 བཞིན།། སྐུ་གསུམ་རྟོགས་པའི་ཀློང་དུ་སུ་འགྲིས་པ།། རྟག་ཆད་ཚིག་ལས་འདས་པ་ཡིན།། ཆོས་ཅན་བློ་འདས་ཡེ་ཤེས་དྲི་མ་མེད།། མ་བསྐྱེད་ཡེ་ཤེས་དཀྱིལ་འཁོར་སྒྱུ་མ་རྣམ་དག་ཀློང་།། ཀློད་པ
54a2 མེད་པར་ཆོས་ཉིད་རང་ཤར་རོ།། དེ་ཉིད་ཡེ་ནས་ནམ་མཁའ་འདྲ།། རྣམ་དག་ནམ་མཁའ་མཚོན་ལ་བསྟན།། དེ་ཉིད་ཡེ་ནས་རྡོ་རྗེ་འདྲ།། སྐྱེ་འཇིག་མེད་པས་མཚོན་ལ་བསྟན།། དེ་ཉིད་ཡེ་ནས་རྒྱ་མཚོ་འདྲ།། མཁའ
54a3 ཀློང་གཏིང་མི་འགྱུར་བས་མཚོན་ལ་བསྟན།། དེ་ཉིད་ཡེ་ནས་ཉི་མ་འདྲ།། གསལ་འགྲིབ་མེད་པས་མཚོན་ལ་བསྟན།། དེ་ཉིད་ཡེ་ནས་མན་ཤེལ་འདྲ།། རྐྱེན་མེད་འོད་ལྔ་ནང་འཆར་མཚོན་ལ་བསྟན།། དེ་ཉིད་ཡེ་ནས
54a4 པདྨ་འདྲ།། རྣམ་དག་ངོ་བོར་མཚོན་ལ་བསྟན།། འཇའ་ཚོན་མར་མེ་འདྲ་འབག་དང་།། འོད་ཁང་མེ་ལོང་ངོས་མཚོན་ནས།། ཡེ་ཤེས་ཆེན་པོ་སྐུ་གསུམ་མངོན་དུ་སྤྲད།། ཅེས་སེང་གེ་སྒྲ་ཉི་ཟླ་ཁ་སྦྱོར་ལས། སྐུ
54a5 གསུམ་ཐུགས་ངོ་སྤྲད་པའི་ལེའུ་སྟེ་ང་དྲུག་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། སྐུ་གསུམ་ཐུགས་སུ་ངོ་སྤྲོད་པ།། གདམས་ངག་གཉིས་སུ་བསྟན་པ་དེ།། ཐུགས་རྗེའི་དཔེ་རྣམས་ཇི་ལྟར
54a6 འབྱུང་།། ངག་གི་ཆོས་རྣམས་ཇི་ལྟར་གསུངས།། བཀའ་སྩལ་པ། རང་བྱུང་ཆོས་སྐུ་ཉི་མ་ལྟ་བུ་ལས།། ཟེར་འོད་ཐུགས་རྗེ་འཕྲོས་པས་པདྨ་ཁ་འབུས་ཚུལ།། ཐོག་མའི་སངས་རྒྱས་ཉག་གཅིག་ལས།། རྡོ་རྗེ་སེམས
iiif viewer powered by OpenSeadragon
