| e-texts navigator |
| Wylie |
53b1 མེད།། ཡེ་ཤེས་ཆུ་བོ་རྒྱུན་བཞིན་གནས།། ཡེ་ཤེས་ལྔ་སྣང་འདུ་འབྲལ་མེད།། རྡོ་རྗེ་འཛིན་པ་ངེས་པར་ཉོན།། སྐུ་གསུམ་བདེ་བ་ཆེན་པོའི་དོན།། འགྲོ་བ་ཡོད་མེད་ཀུན་ལ་ཁྱབ།། ཀུན་གྱིས་རྟོགས་ཤིང་མི་རིག
53b2 སྟེ།། ལྷ་ལ་སོགས་པའི་འགྲོ་དྲུག་དང་།། བྱང་ཆུབ་སེམས་བློ་ཡིས་འདི་མི་རིག། ཐེག་བརྒྱད་བློས་རིག་པ་མིན།། ལམ་བགྲོལ་བཙལ་བས་འདི་མི་རྙེད།། སངས་རྒྱས་བཙལ་བས་གྲུབ་མིན་པས།། དེ་ཉིད་རྒྱུ་རྐྱེན
53b3 འདས་པ་ཡིན།། ཐུགས་ཀྱི་དཀྱིལ་འཁོར་རང་བྱུང་བ།། དེ་ཉིད་དུས་གསུམ་རྟག་པར་བཞུགས།། སངས་རྒྱས་ཀུན་གྱི་ཡེ་ཤེས་སྐུ།། དྲི་མེད་རང་བྱུང་འོད་གསལ་བ།། འགྲོ་བའི་རྒྱུད་ལ་སྣང་བྱ་བ།། ཡེ་ཤེས་མེ་ལོང
53b4 དཔེ་དོན་རྟགས་ཀྱིས་མཚོན།། ཕྱི་ནང་སྣོད་བཅུད་མ་ལུས་ཀུན།། ཡེ་ཤེས་ཆེན་པོ་ལ་ཡང་བཟླ།། ཞེས་སེང་གེ་སྒྲ་ལས། སེམས་དེ་རང་རྒྱུད་སྐུ་གསུམ་རང་གནས་ལུང་བསྟན་པའི་ལེའུ་སྟེ་ང་ལྔ་པའོ།། །། ཀྱེ།།
53b5 བཅོམ་ལྡན་ཐུགས་རྗེ་ཐབས་ཀྱི་བདག། སྐུ་གསུམ་འགྲོ་ལ་རང་གནས་དཔེ་དོན་རྟགས་ཀྱིས་ཇི་ལྟར་སྲིད།། བཀའ་སྩལ་པ། ང་ནི་སེམས་དེ་ཀུན་གྱི་གསོས།། འདི་དོན་ནད་རྣམས་ཀུན་གྱི་སྨན།། ཤེལ་ལྟར་ཡེ་ཤེས་དྲི
53b6 མེད་སྐུ་བསྟན་དཔེ།། འགག་མེད་རིག་པ་ཡེ་ཤེས་འོད་གསལ་སྐུ།། རང་ལ་གནས་པ་མངོན་སུམ་ཡུལ་ལ་བསྟན།། ཡེ་ཤེས་འོད་སྐུ་ཆུ་ཟླའི་ཚུལ།། ཐུགས་རིག་འགག་མེད་ཉི་མ་ལྟར།། གདུང་སྒྲ་ཟེར་འོད་བྲག་ཆ
iiif viewer powered by OpenSeadragon
