| e-texts navigator |
| Wylie |
52b1 གཞན་མི་སྨོན་པ་སྨོན་ལམ་ཕྱིན།། རང་བྱུང་ཡེ་ཤེས་གཞིར་གནས་ཡེ་ཤེས་ཕ་རོལ་ཕྱིན།། ཕ་རོལ་ཕྱིན་པའི་ངེས་ཚིག་ནི།། ཚུ་རོལ་ལས་འདི་འདས་པའོ།། དབྱེ་བ་རྣམ་གྲངས་བཅུ་དང་དྲུག། དབྱེ་བ་རྣམ་པ་གཉིས་སུ
52b2 བཤད།། རྒྱུ་ཡི་ཕ་རོལ་ཕྱིན་པ་དང་།། འབྲས་བུའི་ཕ་རོལ་ཕྱིན་པའོ།། དཔེ་ནི་བརྟེན་ཆུ་སྒྲོལ་བའམ།། སྐྱེས་བུ་མཐེབ་མོས་མདའ་ཉིད་སྐྱོད་པ་ལྟར།། ལམ་པ་གྲུབ་པ་མཐར་ཕྱིན་ས་ལ་གནས་པར་བྱེད།། ཅེས་སེང་གེ།
52b3 སྒྲའི་དགོངས་པ་ལས། ཕར་ཕྱིན་བཅུ་ཡི་ལེའུ་སྟེ་ང་གསུམ་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། རང་བྱུང་སྐུ་གསུམ་རྣམ་གྲོལ་ཡེ་ཤེས་ཆོས་སྐུ་ལ།། གྲོལ་ས་མ་མཆིས་བཤད་དུ་གསོལ།། སྐུ
52b4 གསུམ་གཞི་དག་ཉོན་མོངས་སྤོང་མི་དགོས།། བསོད་ནམས་ཡེ་ཤེས་ཚོགས་གཉིས་ཡེ་རྫོགས་པས།། སྐུ་གསུམ་ཡེ་ཤེས་ཚོགས་གཉིས་གཞི་ལ་བསག་མི་དགོས།། རང་བྱུང་ཡེ་ཤེས་སྒྲིབ་པ་ཡེ་དག་འོད་གསལ
52b5 བས།། ལས་དང་ཉོན་མོངས་སྒྲིབ་པ་སྦྱང་མི་དགོས།། རང་བྱུང་ཡེ་ཤེས་སྐུ་གསུམ་གཟུགས་སྐུར་རང་སྣང་བས།། ཀྲི་ཡོག་ལྟ་བུར་དཀྱིལ་འཁོར་བྲི་མི་དགོས།། སྐུ་གསུམ་ལྷུན་གྲུབ་ཡེ་སངས་རྒྱས་པ་ལ།། ཡོ་ག་ལྟ་བུ
52b6 རྩོལ་བས་སྒྲུབ་མི་དགོས།། རྒྱུད་ལུང་མན་ངག་དོན་དང་འདྲེས།། རང་ཤར་དགོས་པ་རང་རིག་ངོ་ཤེས་པས།། རང་དབང་རང་ཐོབ་མ་ཧཱ་ལ།། དབང་མ་ལྟར་དུ་དབང་མི་བསྐུར།། རང་བྱུང་ཡེ་ཤེས་རིགས་སྟོང་ལྷུན
iiif viewer powered by OpenSeadragon
