| e-texts navigator |
| Wylie |
52a1 ལམ།། དཔེར་ན་འགྲོ་བའི་ལམ་དང་འདྲ།། འབྲས་བུ་ལམ་དུ་བྱེད་པ་ལས།། ལྷ་སྐུ་ལམ་དུ་བྱེད་པ་དང་།། སྟོང་ཉིད་ལམ་དུ་བྱེད་པ་དང་།། འོད་གསལ་ལམ་དུ་བྱེད་པའོ།། རྩོལ་འབྲས་ཡེ་ཤེས་ལམ་གྱི
52a2 དཔེ།། མཁའ་ལ་ཁྱུང་ཆེན་ལྡིང་བ་འདྲ།། སེང་གེ་སྒྲ་ཉི་ཟླ་ཁ་སྦྱོར་ལས། ལམ་གྱི་ལེའུ་སྟེ་ང་གཉིས་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། སྒྲ་མཐུན་དོན་ལ་འཕགས་པ་ཡིན།། ཕ་རོལ་ཕྱིན་བཅུ
52a3 ཇི་ལྟར་ལགས།། བཀའ་སྩལ་པ། སྙིང་པོ་སྐུ་གསུམ་ཡེ་སངས་རྒྱས།། རྩོལ་བའི་བསམ་པས་དབྱིངས་མི་བསྐྱོད།། རྩོལ་བཅས་ལྟ་སྤྱོད་ཏིང་འཛིན་ཡེ་ཤེས་སྐུ་གསུམ་སྒྲིབ།། རང་བྱུང་སྐུ་གསུམ་མ་བསྒྲིབས་ཀུན་ཏུ
52a4 གསལ།། ལྷུན་གྲུབ་བཞི་རྫོགས་མ་རྟོགས་ན།། ངེས་པའི་ཕ་རོལ་ཕྱིན་པ་ནི།། ཅི་ཕྱིར་ཡང་དག་ངེས་དོན་འདི།། ངོ་བོ་ནམ་མཁའ་ལྟ་བུ་ལས།། ཡོན་ཏན་ཆར་སྣང་ཕྱོགས་མེད་འཆར།། ཤར་ཡང་རང་རིག་རྣམ་པར
52a5 དག། དེ་ཉིད་སྦྱིན་པའི་ཕར་ཕྱིན་ཡིན།། རང་བྱུང་ཡེ་ཤེས་དྲི་མེད་རྣམ་དག་པ།། དེ་ཉིད་ཚུལ་ཁྲིམས་པར་ཕྱིན་ཡིན།། འཁྲུལ་མེད་སྡུག་བསྔལ་གྲོལ་བས་བཟོད་པར་ཕྱིན།། མི་བརྗེད་རང་ལ་ཤར་བས་བརྩོན་འགྲུས
52a6 ཕྱིན།། གཡོས་པ་མེད་པས་བསམ་གཏན་ཕྱིན།། འགག་སྒྲིབ་མེད་པས་ཤེས་རབ་ཕ་རོལ་ཕྱིན།། བྱས་རྩོལ་མེད་པས་ཐབས་ཀྱི་ཕ་རོལ་ཕྱིན།། འགྲན་ཟླ་མེད་པས་སྟོབས་ཀྱི་ཕ་རོལ་ཕྱིན།། ཡོན་ཏན་རབ་རྫོགས
iiif viewer powered by OpenSeadragon
