| e-texts navigator |
| Wylie |
51b1 ལམ།། ལམ་མེད་ལམ་དུ་ལྟ་བ་རྣམས་ཀྱི་གནད་ཆེ་བ།། ཕྱིན་པར་འདོད་པས་རི་དྭགས་སྨིག་སྒྱུ་སྙེག་པ་འདྲ།། བགྲོད་མེད་ལམ་ལ་རབ་གནས་པ།། འདུ་འབྲལ་མེད་པའི་དགོངས་པ་ལ།། བགྲོད་དུ་མེད་དོ་ཆོས
51b2 ཉིད་བྱང་ཆུབ་སེམས།། རྩོལ་བས་བགྲོད་ན་ཡེ་ཤེས་མཐའ་ལ་རིང་།། འཇུག་ཏུ་མེད་དོ་རང་རིག་ཡེ་ཤེས་ལམ།། འཇུག་པའི་རྩོལ་བས་སྡུག་བསྔལ་ལམ་དུ་རིང་།། འོན་ཀྱང་མ་བཤད་གོ་བར་མི་འགྱུར
51b3 བས།། བགྲོད་དུ་མེད་ལམ་རྟོགས་པའི་ཐབས་བསྟན་པ།། སྒྲ་མཐུན་དོན་ལ་འཕགས་པའི་ལམ་ལྔ་བཤད།། བླ་མ་བསྙེན་བཀུར་ཡོངས་རྫོགས་ནས།། དམ་པ་མི་འབྲལ་དྲུང་གནས་པ།། ཚོགས་ལམ་རྫོགས་པའི་ལམ
51b4 ཞེས་བྱ།། བླ་མས་གདམས་ངག་དོན་བཤད་ནས།། རིག་པ་དྲི་མེད་དེ་སྦྱོར་བ།། སྦྱོར་བའི་ལམ་དུ་བཤད་པ་ཡིན།། ངོ་སྤྲོད་བཞི་ཡི་སྒོ་ནས་ནི།། ཚེ་འདིར་ངེས་པའི་བདེན་པ་མཐོང་།། མཐོང་བའི་ལམ་དུ་ཤེས་པ
51b5 ཡིན།། སྒོམ་དང་སྒོམ་མེད་ལམ་འདས་ནས།། སྐུ་གསུམ་དང་ལ་གནས་པ་ནི།། སྒོམ་པའི་ལམ་དུ་བསྟན་པའོ།། སངས་རྒྱས་དགོངས་པ་སྡེ་ཆེན་དྲུག། མི་གནས་ཚུལ་གྱིས་མཐར་ཕྱིན་པས།། མཐར་ཕྱིན་ལམ་དུ
51b6 བཤད་པ་ཡིན།། ལམ་གྱི་ངོ་བོ་རང་བྱུང་འདུ་འབྲལ་མེད།། ལམ་གྱི་ངེས་ཚིག་རྣལ་འབྱོར་དོན་ལ་བགྲོད་པས་ལམ།། དབྱེ་བ་རྣམ་པ་གཉིས་ཡིན་ཏེ།། རྒྱུ་ཡི་ལམ་དང་འབྲས་བུའི་ལམ།། རྒྱུ་ཡི་ལམ་ནི་ཐེག་དམན
iiif viewer powered by OpenSeadragon
