| e-texts navigator |
| Wylie |
51a1 སྟོབས་ཀྱིས་སྐུ་གསལ་བ།། ཚོམ་བུ་ལྔ་ལ་ཆོས་ཀྱི་སྤྱན་དྲུག་འཆར།། གསལ་ལ་མི་གནས་མ་ཆགས་པདྨ་སྤྱན་གྱིས།། གསུང་གི་ངོ་བོར་རང་བྱུང་ཡི་གེ་དྲུག། ལྗགས་ལས་འོད་འཕྲོས་སྤྲུལ་པའི་སྐུར་གྱུར
51a2 པ།། བཅུ་གསུམ་ཡི་གེ་འཁོར་ལོ་ཚོགས་ཆེན་ས།། སྤྲུལ་པའི་སྐུ་ཡིས་འགྲོ་དོན་རྫོགས་མཛད་པ།། རྡོ་རྗེ་འཛིན་པ་བཅུ་བཞིའི་སར་བཤད་པ།། ཡེ་ཤེས་སྦུབས་སུ་རྫོགས་སངས་རྒྱས་པ་ཡིན།། ཐུགས་རྗེའི་གནས་ནས
51a3 སྒྲོལ་ཞིང་རང་རང་བཞི་དོན་སྦྱོར།། གསང་བ་དོན་གྱི་སྦྱོར་སྒྲོལ་ཞེས་སུ་བཏགས་པ་ཡིན།། རང་བྱུང་ཏ་ཟའི་ཆོས་ལྔས་ཞི་བ་མྱ་ངན་འདས།། རིན་ཆེན་སྦུབས་སུ་སྐུ་གསུམ་ཀློང་དུ་འཁྱིལ།། དེ་ནི་མི་གནས་ཡེ་ཤེས
51a4 ཀློང་དུ་འཁྱིལ།། ཞེས་བྱ་ས་ཡི་དོན་གྱི་ངོ་བོ་ནི།། ཆོས་ཉིད་འགྱུར་བ་མེད་པས་སའོ།། ས་ཡི་མཐོ་དམན་ངོ་བོ་ནི།། ཤེས་རབ་སྙིང་རྗེ་ཆེ་ཆུང་ངོ་།། ས་ལ་དབྱེ་བ་གཉིས་ཡིན་ཏེ།། འཇིག་རྟེན་པ་ཡི་ས་དང་ནི།། འཇིག
51a5 རྟེན་འདས་པ་གཉིས་ཡིན་ནོ།། འདས་པ་ལ་ཡང་གཉིས་ཡིན་ཏེ།། ཐེག་ཆུང་ཉན་ཐོས་ས་དང་ནི།། ཐེག་པ་ཆེན་པོའི་ས་ཡིན་ནོ།། ས་ཞེས་ངེས་ཚིག་མི་འགྱུར་གནས།། རིམ་པའི་དཔེ་ནི་མཆོད་རྟེན་བཞིན།། ཞེས་སེང
51a6 གེ་སྒྲའི་དགོངས་པ་ལས། ས་ཉིད་རྫོགས་ཚུལ་བཤད་པའི་ལེའུ་སྟེ་ང་གཅིག་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། ལམ་གྱི་བྱེ་བྲག་བཤད་དུ་གསོལ།། བགྲོད་ཅིང་འཇུག་ཏུ་མེད་པའི
iiif viewer powered by OpenSeadragon
