| e-texts navigator |
| Wylie |
50b1 བཅོམ་ལྡན་ཐུགས་རྗེ་ཐབས་ཀྱི་བདག། ཐེག་བརྒྱད་ཨ་ཏི་རོལ་པ་མ་འགག་པ།། ཨ་ཏི་ངོ་བོ་ལུང་ལ་ཇི་ལྟར་རྫོགས།། བཀའ་སྩལ་པ། ཨ་ཏི་ང་ཡིས་རང་བྱུང་ལ།། ས་ལ་སྦྱང་མེད་བགྲོད་མི་དགོས།། རང་བྱུང
50b2 ཡེ་ཤེས་རྫོགས་པའི་དོན་ལ་ནི།། ཡོན་ཏན་ས་ལམ་ཐམས་ཅད་ངོ་བོ་དོན་ལ་རྫོགས།། རྒྱུད་ལུང་མན་ངག་ཀུན་གྱི་དོན་བསྡུས་ནས།། ངོ་སྤྱོད་རྣམ་བཞིས་ཚེ་འདིར་བདེན་པ་མཐོང་།། དེ་ནི་རབ་ཏུ་དགའ་བའི་ས་ཞེས
50b3 བྱ།། མན་ངག་དོན་གྱིས་བློ་ཡི་ཐེ་ཙོམ་བསལ།། རང་རིག་རྒྱུད་ལ་ངེས་པའི་ཤེས་པ་སྐྱེས།། དྲི་མ་མེད་པའི་ས་ཞེས་དེ་ལ་བྱ།། སེམས་ནི་ཡེ་ཤེས་དབང་དུ་འདུས།། ཡེ་ཤེས་རྩལ་དུ་ཤེས་པ་ནི།། ཤེས་པའི་དོན་བརྗོད
50b4 རག་མ་ལུས།། གསུམ་པ་འོད་འཕྲོས་ས་ཞེས་བྱ་བ་ཡིན།། དེ་དོན་ཀུན་ལ་རང་གསལ་བས།། བཞི་པ་འོད་བྱེད་པའི་ས་ཞེས་བྱ།། ལྔ་པ་དུག་ལྔ་དུག་གསུམ་དང་དུ་དག། དྲུག་པ་སྦུབས་གསུམ་སྐབས་སུ་སྐུ
50b5 གསུམ་གསལ།། བདུན་པ་ཐེག་བརྒྱད་དོན་ལ་རབ་ཏུ་འཕགས།། དགུ་པ་ཡོན་ཏན་རང་ལ་རྫོགས་པར་མཁྱེན།། བཅུ་པ་ཆོས་རྣམས་ཀུན་ལ་ཐོགས་མེད་སྤྲིན།། བག་ཆགས་སྦུབས་ལ་རྟོག་པ་སྐྱེ་ལུགས་ཡིན།། རྟོགས
50b6 ལུགས་འཁྲུལ་པའི་སྣང་བ་འགགས་པའི་ཚེ།། ཆོས་ཉིད་ཀློང་དུ་ཡེ་ཤེས་འོད་དུ་གསལ།། བཅུ་གཅིག་ཀུན་ཏུ་འོད་ཀྱི་ས་ལ་གནས་ཞེས་བྱ།། དེ་ཚེ་རང་སྣང་ཡིན་པས་མཁྱེན་པ་ཁོང་ནས་འཆར།། ཤེས་རབ་སྐྱེ་བའི
iiif viewer powered by OpenSeadragon
