| e-texts navigator |
| Wylie |
50a1 བསྟན་པའི་སྙིང་པོ་འགྲོ་ལམ་སྟོར།། ཨ་ཏི་གཏན་ཚིགས་ལེའུ་སྟེ་ཞེ་དགུ་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། ཐེག་པ་བསྡུ་ན་ཇི་ལྟར་ལགས།། བཀའ་སྩལ་པ། ཐེག་པ་ཆེ་ཆུང
50a2 གཉིས་སུ་འདུས།། ཐེག་པ་གཉིས་སུ་མ་འདུས་ན།། པྲ་ཡས་པ་ཡི་སྐྱོན་གྱིས་སྒྲིབ།། ངོ་བོ་རང་བྱུང་འོད་གསལ་སྟོང་པར་འདུས།། རིག་པ་འོད་གསལ་མ་ཡིན་ན།། ཀུན་ཏུ་འོད་ཀྱི་ས་ལས་འགལ།། རང་བཞིན་སྣང
50a3 སྟོང་དབྱེར་མེད་མ་ཡིན་ན།། མུ་སྟེགས་རྟག་པ་ཐེར་ཟུག་སྐྱོན།། སྐུ་གསུམ་འོད་གསལ་རང་གྲོལ་ཞེས།། འོད་གསལ་རང་གྲོལ་མ་ཡིན་ན།། མུ་སྟེགས་ཆད་པའི་སྐྱོན་དུ་འགྱུར།། རང་བྱུང་ལྷུན་གྲུབ་མ་ཡིན
50a4 ན།། གཞན་འབྱུང་ཉན་ཐོས་སྐྱོན་དུ་འགྱུར།། སྐལ་ལྡན་བདེན་པ་ད་ལྟ་མཐོང་།། བདེན་པ་ད་ལྟ་མ་མཐོང་ན།། ཐེག་པ་ཆེན་པོའི་དོན་དང་འགལ།། འབྲས་བུ་རྗེས་དཔག་སྐྱོན་དུ་འགྱུར།། སྐུ་གསུམ་ལྷུན་གྲུབ་འདུ
50a5 འབྲལ་མེད།། འདུ་འབྲལ་མེད་པ་མ་ཡིན་ན།། སྐུ་གསུམ་ཐ་དད་སྐྱོན་དུ་འགྱུར།། སྐུ་གསུམ་ལྷུན་གྲུབ་མ་ཡིན་ན།། སྐུ་གསུམ་རེ་འཇོག་སྐྱོན་དུ་འགྱུར།། སྐུ་གསུམ་རང་ལ་རྟོགས་པར་འཆར།། རང་ལ་འཆར་བ་མ
50a6 ཡིན་ན།། སྐུ་གསུམ་ཡིད་སྨོན་སྒོམ་པའི་སྐྱོན།། སྐུ་གསུམ་རང་གྲོལ་འགྲོ་དོན་མཛད།། སྐུ་གསུམ་འགྲོ་དོན་མི་མཛད་ན།། གནོད་སྦྱིན་སྲིན་པོར་སྐུ་གསུམ་གོལ།། ཐེག་པ་བསྡུ་བའི་ལེའུ་སྟེ་ལྔ་བཅུ་པའོ།། །། ཀྱེ།།
iiif viewer powered by OpenSeadragon
