| e-texts navigator |
| Wylie |
4b1 དུ་དྲི་མ་མེད།། པདྨའི་དབྱིངས་ནས་བདེ་བར་འབར།། ལྷ་ཡི་ཤེད་གྲོགས་ཆགས་དང་བྲལ།། ཤ་དང་རུས་པའི་སྟོབས་བསྐྱེད་བྱང་ཆུབ་སེམས།། རྩ་དང་རླུང་རྒྱུས་བཀྲག་རྣམས་རཀྟའོ།། རྫོགས་ནས་སྡུག་བསྔལ
4b2 འཁོར་བར་སྤྱོད།། དེ་རྣམས་ཇི་ལྟར་བཤད་གྱུར་ཀྱང་།། དང་པོ་བྱང་ཆུབ་སེམས་ལས་བྱུང་།། བར་དུ་རང་གསལ་ཡེ་ཤེས་བཀྲག་ལས་ཤར།། ཐ་མར་རང་བྱུང་ཡེ་ཤེས་རིག་པས་བྱས།། སེམས་ཉིད་དངོས་པོ་མ་གྲུབ
4b3 ཤེས་ཤིང་རྟོགས་པས་བྱ་རུ་མེད།། མ་རིག་ལུས་ཀྱི་རླུང་སྟེ་དངས་མ་ལྔ་ནས་ཤར།། གསལ་བྱེད་རྩ་ལྔ་ནས་ཤར་ནས་སྒོ་ལྔ་གངས་ལ་སྤྱོད།། སེམས་ཉིད་ཡེ་ཤེས་རླུང་སྟེ་ཡེ་ཤེས་རྩ་ལྔར་ཤར།། སེམས་ཉིད་གདངས
4b4 གསལ་ཤར་བ་སྟེ།། གསལ་དང་འགྲིབ་དང་ཕྱོགས་རིས་མེད།། ལས་རླུང་རིག་པས་སྡུག་བསྔལ་ཅི་སྤྱད་ཀྱང་།། ངོ་བོ་ཡེ་ཤེས་ཟེར་ལ་འཕེལ་འགྲིབ་གོས་པ་མེད།། ཐམས་ཅད་ཡེ་ཤེས་རྒྱལ་བ་ཆོས་ཀྱི་སྐུ།། ཡེ་ཤེས
4b5 རིན་པོ་ཆེ་འབར་བ་ལས།། འཁྲུལ་གཞི་བསྟན་པའི་ལེའུ་སྟེ་གསུམ་པའོ།། །། དེ་ནས་བདེ་བར་གཤེགས་པ་ཐམས་ཅད་ཀྱི།། ཡོངས་སུ་ཤེས་པར་བྱ་བ་དངོས་པོ་རྒྱུད་ཀྱི་དོན།། དང་པོ་ཆོས་རྣམས་ཐམས་ཅད
4b6 གཏན་ལ་དབབ།། ཐུབ་བདག་སྟོན་པས་ཕྱི་ཡི་སྒྲོས་ཐག་བཅད།། སྒྲ་རྣམས་སྟོང་སངས་ཆེན་པོར་སྒྲོགས།། དངོས་མེད་ཨར་སྒྲོགས་ལྷ་ཡི་ཐུབ་པའོ།། སྐྱོན་མེད་སྐུ་མདོག་དཀར་པོ་ལ།། གཡས་པ་གཅོད་པའི་སྤུ་གྲི
iiif viewer powered by OpenSeadragon
