| e-texts navigator |
| Wylie |
4a1 སངས་དངོས་དང་བྲལ།། ཐམས་ཅད་འགྱུར་མེད་ཆོས་ཉིད་བཀྲག། ཡེ་ཤེས་རིན་པོ་ཆེ་འབར་བ་ལས། གླེང་གཞི་བསྟན་པའི་ལེའུ་སྟེ་གཉིས་པའོ།། །། བཅོམ་ལྡན་རྡོ་རྗེ་ཀུན་བཟང་གི། གཉིས་པ
4a2 གླེང་སླང་བསྟན་པ་ཡང་།། གཉིས་མེད་རང་གསལ་ཡེ་ཤེས་ཡབ།། ཀུན་གཞི་ཕྱོགས་མེད་སྟོང་ཉིད་ཡུམ།། སྣ་ཚོགས་འགྱུར་མེད་རིག་པའི་སྲས།། ཕྱོགས་མེད་རང་གསལ་ཐུགས་རྗེའི་ངང་།། འོད་གསལ་བཀྲག
4a3 ལས་བྱང་ཆུབ་སེམས།། སྙིང་ཉིད་དང་ལ་ཆགས་བྲལ་མདངས།། སྣང་སྟོང་རྩ་ལ་རིག་པ་ཤར།། བྱང་ཆུབ་སེམས་ཉིད་འཁྲུལ་བའི་རྒྱུ།། སྒྲིབ་མེད་འོད་གསལ་འཁྲུལ་བའི་རྐྱེན།། སྟོང་ཉིད་དང་ལས་ཡེ་ཤེས
4a4 འབར།། ཤེས་རབ་བཀྲག་ལས་རིག་པ་ཤར།། དང་པོ་འོད་གསལ་ལས་བབས་སོ།། ཡེ་ཤེས་འབར་བ་འོད་པོ་ཆེ།། སྤྲོས་མེད་རྩ་ལྔ་ནང་ན་ཡང་།། དངོས་མེད་རིག་པ་ཡེ་ཤེས་འགྲུས།། ཡེ་ཤེས་རིག་པའི་བཀྲག་ནི
4a5 དངས་མ་ལྔ་རུ་ཤར།། ཡེ་ཤེས་རིག་པའི་དངས་མ་མཆོང་གི་ཀ་བར་འབར།། ཡེ་ཤེས་རིག་པའི་འཁོར་ལོ་བདུན་བདུན་འབར།། ཡེ་ཤེས་རིག་པའི་དངས་མ་དབང་པོ་ལྔ་རུ་ཤར།། ཡེ་ཤེས་རིག་པའི་བཅུད་ཤ་ཁྲག
4a6 རུས་པར་སྨིན།། དེ་རྣམས་འཁྲུལ་བའི་རྒྱུ་ཉིད་དོ།། དངོས་མེད་ཡེ་ཤེས་བདེ་ཆེན་འབྱིན།། ཡེ་ཤེས་རིག་པ་རྩལ་ཤར་བས།། འཁོར་ལོ་བདུན་ནས་ཐིག་ལེ་འཛིན།། རྡོ་རྗེའི་ལམ་ནས་བདེ་བར་འབར།། ལྷ་ཡི་གཤེད
iiif viewer powered by OpenSeadragon
