| e-texts navigator |
| Wylie |
49b1 འདྲ།། དེས་ན་ཨ་ཏི་ནམ་མཁའ་མཉམ་ཞེས་བྱ།། སེང་གེ་སྒྲ་ཉི་ཟླ་ཁ་སྦྱོར་ལས། རྒྱུད་དོན་ངེས་པར་འབྱེད་པའི་ལེའུ་སྟེ་ཞེ་བརྒྱད་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། ཨ་ཏི་རྫོགས་ལུགས
49b2 བཤད་དུ་གསོལ།། བཀའ་སྩལ་པ། རྫོགས་པ་ཆེན་པོའི་ངོ་བོ་ནི།། རིག་པ་བྱང་ཆུབ་སེམས་ཞེས་བྱ།། བྱང་ཆུབ་སེམས་སུ་མ་རྫོགས་ན།། སེམས་ཅན་འཁོར་བ་ལྟེ་ཆད་འགྱུར།། ལམ་ཉིད་བྱང་ཆུབ་སེམས་ཉིད
49b3 རྒྱུན།། རང་རིག་ལམ་དུ་མི་འགྱུར་ན།། འཁྲུལ་པས་བྱང་ཆུབ་གང་ལ་ཡིན།། སྣང་བ་འོད་སྣང་སྐུ་གསུམ་ཟེར།། རང་གི་འོད་སྣང་མ་ཡིན་ན།། གཞན་སྣང་རྟག་པ་ལུང་དང་འགལ།། འབྱུང་བས་རང་བྱུང་ཡེ་ཤེས
49b4 བྱུང་།། གཞན་འབྱུང་ཉག་གཅིག་དོན་དང་འགལ།། ཨ་ཏི་ཞེས་སུ་གསུངས་པ་ཡང་།། བཀའ་ཡི་རྫོགས་པ་ཆེན་པོ་དང་།། དོན་གྱི་རྫོགས་པ་ཆེན་པོའོ།། བཀའ་དོན་གཉིས་སུ་མ་འབྲེལ་ན།། བཀའ་ཉིད་དོན་དང
49b5 འཛེལ་བའི་སྒྲོན།། ཐེག་པ་ཀུན་གྱི་ངོ་བོ་ནི།། སྐུ་གསུམ་རྟོགས་པ་ཆེ་ཆུང་ཡིན།། རྟོགས་པ་ཆེ་ཆུང་མ་ཡིན་ན།། ཆོས་རྣམས་མཉམ་ཉིད་དོན་དང་འགལ།། རྒུད་རྣམས་ཀུན་གྱི་རང་བཞིན་ནི།། དོན་རྒྱུད་སྐུ་གསུམ་རྒྱུན
49b6 དུ་གནས།། རྟགས་རྒྱུད་གཟུང་འཛིན་གློ་བུར་བྱུང་།། དཔེ་རྒྱུད་ཚིག་དང་ཡི་གེར་གནས།། དོན་རྒྱུད་མ་རྟོགས་སྐུ་གསུམ་དོན་མི་ཕྲད།། རྟགས་རྒྱུད་མ་བསྟན་གང་ཟག་ཡིད་མི་ཆེས།། དཔེ་རྒྱུད་བཀའ་རྒྱུད་མེད་ན
iiif viewer powered by OpenSeadragon
