| e-texts navigator |
| Wylie |
49a1 སྟེ་ཞེ་བདུན་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། རྒྱུད་ཀྱི་དོན་ཉིད་གསུང་དུ་གསོལ།། བཀའ་སྩལ་པ། རྒྱུད་ཅེས་བྱ་བའི་ངོ་བོ་ནི།། རང་རིག་ཡེ་ཤེས་ཡིན་པར་ཟློས།། ངེས
49a2 ཚིག་འབྲེལ་དང་མ་ཚང་མེད།། གཅིག་ལ་གཅིག་བརྒྱུད་རྒྱུད་ཅེས་བྱ།། རྒྱུད་ལ་དབྱེ་བ་བསམ་འདས་ཀྱང་།། སྐུ་གསུམ་འཕྲིན་ལས་རྣམ་པ་ལྔའོ།། དབང་རྣམས་ངོ་བོ་རང་དབང་རང་ལ་ཐོབ།། དམ་ཚིག་ཀུན་གྱི་ངོ
49a3 བོཔོ་ནི།། སྐུ་གསུམ་རང་ངོ་ཤེས་པས་དམ།། རྣམ་རྟོག་བག་ཆགས་སྲེག་པ་ཚིག། དཀྱིལ་འཁོར་ཀུན་གྱི་ངོ་བོ་ནི།། སྐུ་གསུམ་གཙོ་འཁོར་འདུ་འབྲལ་མེད།། འཕྲིན་ལས་ཀུན་གྱི་ངོ་བོ་ནི།། སྐུ་གསུམ་མ་བཙལ་ལྷུན་གྱིས
49a4 གྲུབ།། མཆོད་པ་ཀུན་གྱི་ངོ་བོ་ནི།། རང་ངོ་ཤེས་པས་རྒྱལ་བ་མཉེས།། རྣལ་འབྱོར་ཀུན་གྱི་ངོ་བོ་ནི།། སྐུ་གསུམ་མ་བཅོས་ཡེ་ནས་འབྱོར།། སྔགས་རྣམས་ཀུན་གྱི་ངོ་བོ་ནི།། སྐུ་གསུམ་འཁོར་བའི་དོན་ལ
49a5 སྔགས།། ཕྱག་རྒྱ་ཀུན་གྱི་ངོ་བོ་ནི།། རང་ངོ་ཤེས་པས་མ་རིག་སངས།། སྐུ་གསུམ་ཕྱག་རྒྱ་ཆེན་པོ་ལ།། དབྱིངས་དང་ཡེ་ཤེས་དབྱེ་བྲལ་མེད།། དམ་ཚིག་འོད་གསལ་ཆོས་ཉིད་ལ།། ཐུགས་རྗེ་དོན་མཛད་དམ་ཚིག
49a6 ཕྱག་རྒྱའོ།། ཨ་ཏི་ཐེག་བརྒྱད་གསལ་བར་སྟོན་པས་མིག་དང་འདྲ།། ཨ་ཏི་ཐེག་པ་ཐམས་ཅད་ཐེག་པས་ས་གཞི་འདྲ།། ཨ་ཏི་ཐེག་པ་ཐམས་ཅད་ཤོང་པས་ནམ་མཁའ་འདྲ།། ཐམས་ཅད་འདུས་པས་རྒྱ་མཚོ
iiif viewer powered by OpenSeadragon
