| e-texts navigator |
| Wylie |
48b1 པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། ཐེག་པའི་དབྱེ་བ་ཇི་ལྟར་ལགས།། བཀའ་སྩལ་པ། ཐེག་པའི་ངོ་བོ་ཤེས་རབ་སྙིང་རྗེ་ལ།། དེ་གཉིས་ཆེ་ཆུང་ཐེག་པ་ཆེ་ཆུང་དང་།། ཐེག་པ་ངེས་ཚིག
48b2 འདེགས་དང་སྐྱེད་པའོ།། དབྱེ་ན་གསུམ་སྟེ། ཉན་ཐོས་རང་རྒྱལ་བྱང་སེམས་དང་།། ཀྲི་ཡ་ཨུ་པ་ཡོ་ག་དང་།། མ་ཧཱ་ཨ་ནུ་ཨ་ཏི་ཡོ།། བསྡུ་ན། རྒྱུ་རྐྱེན་ལམ་ཁྱེར་མཚན་ཉིད་ཐེག་པ་དང་།། འབྲས་བུ་ལམ་ཁྱེར་གསང
48b3 སྔགས་ཐེག་པའོ།། སེང་གེ་སྒྲ་ལས། ཐེག་པ་དབྱེ་བའི་ལེའུ་སྟེ་ཞེ་དྲུག་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། ཐེག་པའི་གོལ་སྒྲིབ་ཇི་ལྟར་ལགས།། བཀའ་སྩལ་པ། གོལ་བའི་ངོ་བོ་རིག་པའི་དོན
48b4 མཆོད།། ངེས་ཚིག་གོང་མས་གོང་མ་མ་མཐོང་བསྒྲིབས།། གོང་མ་འོག་མ་དོན་སྤྱོད་གོལ་ཞེས་བྱ།། དབྱེ་ན་མང་ཡང་བསྡུ་ན་བཞི།། ལྷ་སྒོམ་སྤྱོད་པ་འབྲས་བུ་བཞི།། ཨ་ཏི་བློ་འདས་ངོ་བོ་ལ།། གོལ་དང་མ་གོལ་བློ
48b5 ལས་འདས།། གོལ་སྒྲིབ་རང་བཞིན་རྣམ་པར་དག། ཡེ་ནས་རང་བྱུང་གཉིས་མེད་པས།། རྒྱུ་རྐྱེན་འདུས་པ་གོལ་སྒྲིབ་མེད།། ཐེག་བརྒྱད་འོག་ནས་སྣང་བ་ཡང་།། ང་ཡི་ཐུགས་རྗེ་མཛད་སྤྱོད་ཡིན།། དབྱེར་མེད་ཤེས
48b6 རབ་རྟོགས་པའི་ངང་ལ་གནས།། མ་འདྲེས་ཡོངས་སུ་རྫོགས་པའི་ཡེ་ཤེས་ལ།། འབྱེད་པ་མེད་པའི་ཤེས་རབ་རང་གསལ་བ།། གོལ་སྒྲིབ་གཉིས་སུ་དབྱེ་རུ་མེད།། ཅེས་སེང་གེ་སྒྲའི་དགོངས་པ་ལས།། གོལ་སྒྲིབ་ལེའུ
iiif viewer powered by OpenSeadragon
