| e-texts navigator |
| Wylie |
48a1 ལས། དབང་བཞི་རྫོགས་པའི་ལེའུ་སྟེ་ཞེ་བཞི་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། དབང་གི་ངོ་བོ་ངེས་ཚིག་ཇི་ལྟར་ལགས།། བཀའ་སྩལ་པ། དབང་གི་ངོ་བོ་རང་དབང་རང
48a2 གིས་ཆོད་པས་དབང་།། རང་བྱུང་གཞན་དབང་མ་གྱུར་དབང་།། ངེས་ཚིག་འཁོར་འདས་ཆོས་ལ་ནི།། མངའ་མཛད་རང་དབང་བསྐུར་བས་དབང་།། དབྱེ་ན་ཐུན་མོང་ཁྱད་པར་ཏེ།། ཕྱི་ལྟར་རྫས་ལ་བརྟེན་པ
48a3 དང་།། ནང་ལྟར་རྫོགས་ལུགས་རང་ཆས་བསྟན།། གསང་དབང་དམ་རྫས་བདུད་རྩིར་མཚོན།། བདུད་རྩི་ལྔ་ཉིད་སྤྱི་བོར་བླངས་པས་བུམ་པའི་དབང་།། དེ་ཉིད་རྣམ་ལྔ་ཞལ་དུ་གསོལ་བས་གསང་བའི
48a4 དབང་།། བདུད་རྩི་ལྔ་ཉིད་རྒྱན་དུ་བདེ་བར་སྤྱད་པ་ཤེས་རབ་དབང་།། དུག་ལྔ་རྩིར་བསྒྱུར་ཡེ་ཤེས་དོན་རྟོག་ཚིག་དབང་ཐོབ།། དཔེར་ན་རྒྱལ་སྲིད་གླང་པོ་མངའ་བསྒྱུར་འདྲ།། རང་དབང་ཐོབ་སྟེ་རྒྱལ་ས་ཟིན་པ
48a5 འདྲ།། གསང་དབང་དམ་རྫས་བདུད་རྩི་འདི།། ང་ཡི་གཞི་ལ་ཡེ་ནས་དབང་བཞི་རྫོགས།། དབང་གི་ཆུ་བཞི་ཡས་བབས་པ།། ཐུགས་རྗེ་གདུལ་བྱ་མ་འགགས་པ།། གདུལ་བྱ་བཞི་ལ་ཐུགས་རྗེ་གཟུང་།། ཡིད་ཀྱི་རྣམ
48a6 ཤེས་རང་བྱུང་བས།། ཤེས་རབ་འབྱུང་བའི་གཞི་མ་འགགས།། ལྕེ་ཡི་རྣམ་ཤེས་སྤྲུལ་པའི་སྐུ།། ཚིག་རྣམས་རང་རང་དོན་ལ་སྦྱར།། ཞེས་སེང་གེ་སྒྲའི་དགོངས་པ་ལས། དབང་ངེས་ཚིག་ངོ་བོའི་ལེའུ་སྟེ་ཞེ་ལྔ
iiif viewer powered by OpenSeadragon
