| e-texts navigator |
| Wylie |
47b1 ནི།། ཡེ་ཤེས་ཆུ་རྒྱུན་རང་བབས་མཚོན།། ཆོས་ཀྱི་སྐུ་ཉིད་བདེ་ཆེན་རང་དབང་རང་ལ་ཐོབ།། ཨོཾ་སུ་པྲ་ཏི་ཙིཏྟ་བཛྲ་ཧཱུཾ། དེ་ཉིད་སྐུ་གསུམ་སྐལ་ལྡན་རང་ཆས་རང་དབང་རང་ལ་ཐོབ།། རྣལ་འབྱོར་དེ་ཉིད་དོན་རྟོགས
47b2 པས།། སངས་རྒྱས་ཀུན་གྱི་བདག་ཉིད་ལ།། རང་ཉིད་རྣལ་འབྱོར་དེ་ཉིད་ཡིན།། དེ་ཕྱིར་རྣམ་པ་ཐམས་ཅད་དུ།། བདག་ཉིད་སྐུ་གསུམ་ཆེ་བའི་མཆོག། ཆོས་རྣམས་ཡེ་ཤེས་སྒྱུ་མ་སྟེ།། རྟེན་ཅིང་འབྲེལ་བའི་ཆོས་དང
47b3 ལྡན། ཁམས་གསུམ་རྟོགས་ནས་གཉིས་མེད་སྤྱོད་པ་གྱིས།། ཞེས་སེང་གེ་སྒྲའི་རྒྱུད་ཉི་ཟླ་ཁ་སྦྱོར་ལས། བུམ་པས་མཚོན་པའི་དབང་རྫས་དམ་ཚིག་བཅང་བའི་ལེའུ་སྟེ་ཞེ་བཞི་པའོ།། །། ཀྱེ། བཅོམ་ལྡན་ཐུགས
47b4 རྗེ་ཐབས་ཀྱི་བདག། གསང་བའི་དབང་ནི་གསུམ་པ་དང་།། ཚིག་དབང་བསྐུར་བ་ཇི་ལྟར་ལགས།། བཀའ་སྩལ་པ། གསང་དབང་མཚན་པ་འདི་ལྟ་སྟེ། ཡབ་ཡུམ་ཐབས་དང་ཤེས་རབ་མཚོན།། རང་རིག་བྱང་ཆུབ
47b5 སེམས་ཉིད་མཚོན།། དེ་ལས་ཡེ་ཤེས་སྐུར་ཤར་བ།། གསང་བའི་དབང་དུ་མཚོན་པ་ཡིན།། ཤེས་རབ་མས་ནི་ཡེ་ཤེས་མཚོན་པའི་དབང་།། ཡེ་ཤེས་ཟུང་དུ་ཞུགས་པ་ཡིས།། བདེ་ཆེན་བྱང་ཆུབ་ཡེ་ཤེས་ཤར།། རིག
47b6 པ་འོད་གསལ་ཟུང་འཇུག་གིས།། བདེ་ཆེན་མཚོན་པའི་དབང་ཞེས་བྱ།། ཚིག་དབང་བླ་མའི་གདམས་ངག་རྒྱུད།། སློབ་བུ་དེ་ཉིད་སྨིན་པར་མཛད།། དབང་བཞི་རྫོགས་པར་མཚོན་པའོ།། སེང་གེ་སྒྲ་ཉི་ཟླ་ཁ་སྦྱོར
iiif viewer powered by OpenSeadragon
