| e-texts navigator |
| Wylie |
46b1 ཨ་བྷི་ཥཉྩ་ཨཽ།། སློབ་བུ་མིང་གིས་རང་རིག་རྟོགས་པ་མཚོན།། ཛྙཱ་ན་ཙིཏྟ་བཱཀ་ཀ་ཡ་ས་མ་ཡ་སྟྭཾ།། མིང་གི་དབང་བྱིན་རང་དབང་རང་ལ་བྱིན།། ཤེས་བྱ་སྒྲིབ་དག་རྡོ་རྗེ་འཆང་དབང་ཐོབ།། རིག་པའི་དབང་ལྔ་ཡོན
46b2 ཏན་རང་ལ་རྫོགས།། མ་རིག་ལྔ་འདས་ཡེ་ཤེས་ལྔ་དབང་ཐོབ།། སངས་རྒྱས་ལྔ་ནི་རྣམ་དག་ལམ།། མ་བསྐུར་སྐུ་གསུམ་མ་རིག་པའི་དབང་ཞེས་བྱ།། རིག་པའི་ཡེ་ཤེས་ལྔ་ལ་དབང་བས་རིག་པའི་དབང་།། སྒྲིབ་པ
46b3 རང་གྲོལ་ཟབ་པ་རིག་པའི་དབང་།། སེང་གེ་སྒྲ་ཡི་རྒྱུད་ལས། རིག་པའི་དབང་པོ་སྐུ་ལ་མཚོན་པའི་ལེའུ་སྟེ་ཞེ་གཉིས་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། འཕྲིན་ལས་གསུང་གིས་མཚན
46b4 པའི་དབང་།། སྐུ་གསུམ་སྙིང་པོ་འབྲུ་ལྔ་གདོད་ནས་གནས།། ཨོཾ་ཧཱུཾ་ཨ་ཏྲཾ་ཧྲི།། ཡེ་ཤེས་ལྔ་མཚོན་སློབ་བུར་གཏད།། འཕྲིན་ལས་མ་རྫོགས་དག་ནས་སྦྲུལ་སྐུ་ཐོབ།། ཐུགས་ཉིད་སྐྱེ་མེད་རྡོ་རྗེ་མཚོན།། དེ་ཉིད་སློབ་བུ
46b5 སྙིང་ཁར་གཏད།། ཐུགས་ཀྱི་མ་རིག་དག་ནས་ནི།། རིག་པ་སྐྱེ་འཇིག་མེད་པ་རྡོ་རྗེ་ཐུགས་དབང་ཐོབ།། ཨོཾ་ན་མ་ས་སརྦ་ཏ་ཐཱ་ག་ཏ་ཙིཏྟ་བཛྲ་ས་མ་ཡ་ཏིཥྛི་ཨ་བྷི་ཥིཉྩ་ཧཱུཾ། རྡོ་རྗེ་རྟག་ཏུ་བཅང་བ་རིག་པའི་མཚན་ཉིད
46b6 མཚོན། ཁ་ཊྭཱཾ་ཅང་ཏི་ཀ་པཱ་ལས།། ཐབས་དང་ཤེས་རབ་ཕྱག་རྒྱ་མཚོན། ཁ་ཊྭཱཾ་ཁ་ནི་ཤེས་རབ་ཡུམ།། ཌ་མ་རུ་ནི་ཡབ་ཉིད་ཐབས།། ཤེས་རབ་རིག་པ་བརྡ་རུ་མཚོན།། ཀ་པཱ་ལ་ནི་གཞལ་ཡས་ཁང་།། མཚོན་ཏེ་སློབ
iiif viewer powered by OpenSeadragon
