| e-texts navigator |
| Wylie |
46a1 ཕྲག་དོག་སྡོམ་པར་མཚོན་ནས་དོན་གྲུབ་དང་དུ་གྲོལ།། སངས་རྒྱས་སྤྱན་མ་ཕྱག་རྒྱ་ཡེ་ཤེས་བུམ་པ་ནི།། གཉིས་མེད་རྟགས་མཚོན་བྱང་ཆུབ་སེམས།། གཏི་མུག་འོད་གསལ་མཚོན་ནས་རྡོ་རྗེ་སེམས
46a2 པའི་ངང་དུ་གྲོལ།། ཞེས་སེང་གེ་སྒྲ་སྒྲོགས་ཐེག་དམན་ཟིལ་གྱིས་གནོན་པའི་དགོངས་པ་ཡེ་ཤེས་ཟུང་འཇུག། ཉི་ཟླ་ཁ་སྦྱོར་གྱི་རྒྱུད་ལས། ཐུན་མོང་རྫས་ལ་བརྟེན་པ་དབང་གི་ལེའུ་སྟེ་ཞེ་གཅིག་པའོ།། །། ཀྱེ།།
46a3 བཅོམ་ལྡན་ཐུགས་རྗེ་ཐབས་ཀྱི་བདག། བླ་མས་མཚོན་ཏེ་ཇི་ལྟར་བསྐུར།། བཀའ་སྩལ་པ། གློ་བུར་དྲི་མ་དག་བྱའི་ཕྱིར།། བདུད་རྩི་ཆུ་རྒྱུན་བྱང་ཆུབ་སེམས་མཚོན་ནས།། བུམ་ཆུ་སློབ་བུ་བླུགས་པས་ནི།། སྒྲིབ་པ་མི
46a4 རྟོག་དག་ནས་མི་བསྐྱོད་ངོ་བོར་མཚོན།། ཨོཾ་བཛྲ་དྷི་ཀ་ཨ་བྷི་ཥཉྩ་ཧཱུཾ། དབུ་རྒྱན་རིག་པ་རིན་ཆེན་དགོས་འདོད་མཚོན།། སློབ་བུ་ལ་བྱིན་བག་ཆགས་སྒྲིབ་པ་ཡིས།། ལོངས་སྐུ་མ་རྟོགས་གྲོལ་ནས་རིན་འབྱུང་ཐོབ།། སྭ
46a5 རཏྣ་དྷྲིཀ་ཨ་བྷི་ཥིཉྩ་ཏྲཾ།། རྡོ་རྗེ་སྟོང་ཉིད་ཡེ་ཤེས་མཚོན་བྱས་ནས།། སློབ་བུ་ལ་གཏད་ལས་ཀྱི་སྒྲིབ་པ་དག། མི་རྟོག་ཡེ་ཤེས་མཐའ་ཡས་ཐོབ།། ཨཾ་ཨ་རོ་ལིག་ཨ་བྷི་ཥིཉྩ་ཨ། སྐུ་གསུམ་བཞུགས་གནས་དྲིལ་བུས
46a6 མཚོན།། སློབ་བུ་བྱིན་པས་སྐྱེ་གནས་སྒྲིབ་པ་དག། ཐུགས་རྗེས་སྐུ་མ་རྟོགས་པ་དག་ནས་དོན་གྲུབ་ཐོབ།། ཧ་པྲཛྙཱ་དྷི་ཀ་ཨ། བུམ་པ་སྤྱི་བོར་གཞག་པས་སྐུ་ཡི་དབང་ཐོབ་ལུས་སྒྲིབ་དག་རྣམ་སྣང་སྐུ་ཐོབ། ཨོཾ་ཏྲ་ཙཀྲ།
iiif viewer powered by OpenSeadragon
