| e-texts navigator |
| Wylie |
45b1 རིགས་ལྔ་མཚོན་པ་ནི།། ཨོཾ་ཧཱུཾ་ཏྲཾ་ཨཾ་ཧྲི་ལས་ཡུམ་ལྔ་ཡབ་ཀྱང་མཚོན།། བུམ་པ་ཕྱི་ཡི་སྣང་བར་ཤར་ཏེ་འགྲོ་དོན་མཛད་པའི་སྦྲུལ་སྒྲ་མཚོན།། སྐུ་གསུམ་ཡེ་ཤེས་རྩལ་མི་འགྱུར་བ་བསམ་གཏན་ཕ་རོལ་ཕྱིན།། སྐུ
45b2 གསུམ་སྣང་དུ་ཡོད་ལ་རེག་ཏུ་མེད་པ་ཡེ་ཤེས་སྒྱུ་མའི་ངང་།། རིག་པ་འོད་གསལ་ཤེས་རབ་ཕ་རོལ་ཕྱིན།། ཡེ་ཤེས་རོལ་པ་ཅིར་ཡང་འཆར་བས་ཏིང་འཛིན་ཅིར་ཡང་བསམ་པས་མཚོན།། དེ་ལྟའི་རང་བྱུང་ཡེ་ཤེས
45b3 དཀྱིལ་འཁོར་དེ།། དང་པོ་མ་བསྐྱེད་ད་ལྟ་མི་གནས་ཕྱིས་མི་འགག། ངང་གིས་ཡོངས་སུ་དག་པས་དབང་གི་གདམས་ངག་དེས་མཚོན་ཏེ།། པྲཛྙཱ་པཱ་ར་མི་ཏ་སྐྱེ་མེད་སྐུ་གསུམ་ཆུ་ཟླ་ལྟ་བུས་མཚོན་ཏེ་བསྟན།། ཨ་བྷི
45b4 ཥིཉྩ་ཞེས་པ་དག་པའི་སྒྲས།། རང་བཞིན་དག་པའི་སྐུ་གསུམ་རང་ལ་རང་དབང་མཚོན་ནས་བསྐུར།། ཤེས་རབ་ཡུམ་ལྔ་བུམ་པར་མཚོན་པ་ནི།། ནམ་ཟླ་ཀུན་ཏུ་བཟང་མོ་ཕྱག་རྒྱ་བུམ་པ་ཡིས་མཚོན་བྱང་སེམས
45b5 ཆུས།། སྟོང་ཉིད་ཞེ་སྡང་དག་བྱེད་མཚོན་ཏེ་རྣམ་སྣང་དང་དུ་གྲོལ།། ཆུ་ཉིད་མཱ་མ་ཀི་ཡི་ཕྱག་རྒྱ་བུམ་པའི་ཡེ་ཤེས་ཀྱིས།། ང་རྒྱལ་དགེ་བར་མཚོན་ཏེ་རིན་འབྱུང་ངང་དུ་གྲོལ།། མེ་ཉིད་གོས་དཀར་ཕྱག་རྒྱ་ཡེ་ཤེས་བུམ
45b6 པ་ཡིས།། གཉིས་མེད་རྟགས་མཚོན་བྱང་ཆུབ་སེམས།། འདོད་ཆགས་བྱམས་པར་མཚོན་ཏེ་མཐའ་ཡས་ངང་དུ་གྲོལ།། དམ་ཚིག་སྒྲོལ་མ་ཕྱག་རྒྱ་ཡེ་ཤེས་བུམ་པ་ཡིས།། གཉིས་མེད་རྟགས་མཚོན་བྱང་ཆུབ་སེམས།།
iiif viewer powered by OpenSeadragon
