| e-texts navigator |
| Wylie |
44b1 མཚོན་ཕྱིར་མགུལ་ཆིངས་སོར་གསུམ་དང་།། རྣམ་དག་མཚོན་ཕྱིར་ཞབས་ལ་པདྨའོ།། ཚད་མེད་བཞི་མཚོན་ཁ་ཁྱེར་བཞི་ལ།། ཚུལ་ཁྲིམས་མཚོན་ཕྱིར་དྲི་ཡང་བྱུག། སྦྱིན་པ་མཚོན་ཕྱིར་ཆུ་གཙང་འོ་ཁ་ཆུ།། སྡིག་སྒྲིབ
44b2 དག་བྱེད་བྱང་ཆུབ་ཆུ་ཞེས་བྱས།། བཟོད་པ་མཚོན་བྱེད་ཙན་དན་དྲི་ཡི་བསྒོས།། ཡེ་ཤེས་མཚོན་པ་ནི་པ་ར་ཤ། ཞེས་དག་པའི་ཆུར་བརྗོད།། དེ་བཞིན་གཤེགས་པ་ལྔ་ཡི་ཐུགས།། ཡེ་ཤེས་ལྔ་ལྡན་མཚོན་པའི་སྙིང་པོ
44b3 ལྔ།། མཉམ་ནས་བུམ་པའི་སྙིང་པོར་བྱས།། ཛྙཱ་ན་རཏྣ་གར་བྷ་ཞེས་བྱ་ཡེ་ཤེས་སྙིང་པོ་མཚོན།། སྐུ་གསུམ་ཡེ་ཤེས་ཡོན་ཏན་མཚོན་པ་ནི།། ནོར་བུ་རིན་ཆེན་རེ་འདོད་སྐོང་བྱེད་པས།། ཕུན་སུམ་ཚོགས་པའི་གཞི་ནི
44b4 རིན་ཆེན་ལྔ།། འཕྲེང་བ་ལྔ་ནི་བུམ་པའི་མགུལ་རྒྱན་འཕྱང་།། ཡོན་ཏན་ཚད་མེད་གཏེར་དང་ལྡན།། པཉྩ་རཏྣ་སིདྡྷི་རིན་ཆེན་སྣ་ལྔ་དངོས་གྲུབ་ཐོབ་བྱེད་མཚོན།། རང་བྱུང་ཡེ་ཤེས་འཕྲིན་ལས་ལྔ་མཚོན་པ།། དུག་ལྔ
44b5 གཉེན་པོ་སྨན་ལྔ་བརྡ་ཡིས་མཚོན།། པཉྩ་བེ་ཤ་སིང་དྷི་ཨ་མྲྀ་ཏ།། བདུད་རྩི་སྨན་ལྔ་དུག་ལྔ་གཉེན་པོ་ཡེ་ཤེས་མཚོན།། རང་བྱུང་ཡེ་ཤེས་ཕུན་སུམ་ཚོགས་པའི་དོན།། དྲི་བསྲུང་ལྔ་ཡི་འོད་ཟེར་བསམ་འདས་སྤྲོ།། དུ་བ
44b6 པཉྩ་སྠ་ར་སིདྡྷི།། བདེ་གཤེགས་འཕྲོ་ཞིང་འདུ་བ་མཚོན།། སྦྱངས་པའི་འབྲས་བུ་སྐུ་གསུམ་ངོ་མཚོན་པ།། འབྲུ་ལྔ་སྙིང་པོས་བུམ་པ་བཀང་བས་མཚོན།། པཉྩ་པ་ལ་བི་ཚ་ཤ། སྟོབས་ལྔ་འདུས་པ་འབྲས་བུ་བླ་ན་མེད
iiif viewer powered by OpenSeadragon
