| e-texts navigator |
| Wylie |
41b1 བགྲོད།། བཀའ་སྩལ་པ། དབང་ལ་རྣམ་པ་གསུམ་དུ་བསྟན།། གཞི་ལ་རྫོགས་ཚུལ་བསྟན་པ་དང་།། རིམ་པར་བབས་ལུགས་བསྟན་པ་དང་།། ཇི་ལྟར་བསྐུར་བའི་རིམ་པའོ།། གཞི་ལ་རྫོགས་པར་བསྟན་པ་ནི།།
41b2 འོད་གསལ་འགྱུར་མེད་ཆོས་སྐུ་ལ།། འགག་མེད་ཡེ་ཤེས་རྣམ་ལྔར་ཤར།། རང་བཞིན་འོད་གསལ་གཞན་སྣང་བའི།། རིན་ཆེན་འོད་འབར་སྐུ་གསལ་བའི།། ཉིད་ལས་མི་ཞན་དབང་གི་ཆུ་བོ་བཞི།། མ་བསྐུར་རང
41b3 བཞིན་ཡེ་ནས་གཞི་ལ་རྫོགས།། རིགས་ལྔ་སྐུ་ལྔ་ཐུགས་རྗེ་མ་འགགས་པས།། སྒོ་ལྔ་ཁྲག་འཐུང་ཧེ་རུ་སྔ་ཕྱིར་ཤར།། ཐུགས་རྗེ་རང་བྱུང་དབང་གི་ཆུ་བོ་བཞི།། མ་བཙལ་གཞི་ལ་ཡེ་ནས་རྫོགས་པར་གནས།། དེ་ཉིད
41b4 ཡེ་ཤེས་རང་ཤར་རང་ལ་ཤར་བ་དེ།། ཡེ་ཤེས་ལུས་ཅན་ངང་ལ་གནས་ཤིང་ངང་དུ་གྲོལ།། ཡེ་ཤེས་ཆེན་པོ་དབང་གི་ཆུ་བོ་བཞི།། མ་བཙལ་མ་བསྐུར་གཞི་ལ་ཡེ་ནས་རྫོགས།། དེ་ཉིད་མཚོན་པ་གསུང་གི་ཡི་གེ
41b5 ནི།། ཨ་ཨོཾ་ས་ཧཱུཾ་ཧ་རིན་ཆེན་ཡི་གེ་ལྔ།། མ་བཙལ་གསུང་གི་ཟེར་འོད་ཡེ་གནས་པས།། དཔའ་བོ་འབྲུ་ལྔ་དབང་གི་ཆུ་བོ་བཞི།། མ་བཙལ་མ་བསྐུར་རང་ལ་ཡེ་ནས་རྫོགས།། དེ་ཕྱིར་སྐུ་གསུམ་རང་དབང་ཡེ་ཤེས
41b6 གཞན་མི་རིག། རྒྱུ་རྐྱེན་གཞན་གྱི་དབང་གིས་སྐུ་གསུམ་བགྲོད་མ་ཡིན།། དཔེར་ན་བྲ་བོ་ནས་ཀྱི་འབྲས་བུ་བསྐྱེད་འདོད་ལྟར།། སྐུ་གསུམ་རང་ལ་རྫོགས་པ་ལ།། བྱས་ཤིང་མ་བཅོས་པས་ཟད་མེད་འཕེལ་བ
iiif viewer powered by OpenSeadragon
