| e-texts navigator |
| Wylie |
40b1 ལགས།། བཀའ་སྩལ་པ། ཉོན་མོངས་ལྔ་ཡི་སྣང་བ་ཡང་།། སྒོ་ལྔ་རང་ཟད་ཟེར་ལ་བདག་ལ་གདོས་བཅས་རྟོག་པར་གཟུང་།། ཡེ་ཤེས་ལྔ་ཡི་ཟེར་ལས་འཁྲུལ་རྟེན་བྱས།། དེ་ཉིད་ཡེ་ཤེས་ངང་ལས་མ་འདས་པ།། རྨི
40b2 ལམ་ལྟ་བུར་ཡེ་ཤེས་ངོ་བོར་གྲོལ།། ཉོན་མོངས་དངོས་གྲུབ་ཟང་ཐལ་རིག་པ་ཟེར།། དཔེར་ན་གངས་དཀར་རྡོས་པར་སྲ་གྱུར་ཡང་།། སྣང་བའི་ཚེ་ན་ཆུ་ཡི་ངོ་བོ་ཡིན།། ཉོན་མོངས་གཟུང་འཛིན་བྲལ་བའི་རིག་པ
40b3 དེ།། འཁོར་བ་རང་གྲོལ་སངས་རྒྱས་ཐུགས་སུ་ངེས།། དེ་ཉིད་དཔེ་སྟེ་གདམས་ངག་ངོ་སྤྲད་པ།། མན་ཤེལ་རྒྱལ་བའི་རིང་བསྲེལ་ཁྲི་འཕང་ལྔ།། སྐར་ཁུང་འོད་ལ་མན་ཤེལ་ཉི་ཟེར་འཆར།། བལྟས་པས་ཤེལ་གྱི་ངོ་བོ
40b4 སྟོང་གསལ་ཕྱི་ནང་མེད།། གསལ་དྲངས་འོད་ལྔ་ཁ་དོག་ནང་ནས་འཆར།། ཤར་ཡང་སྣང་ལ་དངོས་མེད་འོད་དུ་གསལ།། དེ་བཞིན་སྒོ་ལྔ་འོད་ལ་རིག་པ་ཤར་བའི་ཚེ།། རིག་པའི་ངོ་བོ་ཕྱི་ནང་མེད་པར་གསལ་ལ
40b5 དྲངས།། རང་བཞིན་མེད་ཀྱང་ནང་ནས་ཡེ་ཤེས་འོད་ལྔ་འཆར།། ཡེ་ཤེས་རང་སྣང་ཟད་ཐལ་རིག་པ་འགག་མེད་གསལ།། ལྷ་ཡི་ཁྱེའུ་ཕྱག་སོར་ཉི་མ་ཕྱིར་བལྟས་པས།། ཉི་མའི་རྐྱེན་གྱིས་ཐིག་ལེ་འོད་ལྔ་འཆར།། དེ
40b6 བཞིན་རིག་པ་རང་ཟེར་ལ་སོགས་ཡུལ་རྐྱེན་གྱིས།། ཡེ་ཤེས་སྣང་བ་ཉོན་མོངས་ལྔ་སྣང་ཡང་།། ཡེ་ཤེས་ལྔ་ཡི་ངང་ལས་གསལ་བ་ལས།། གཞན་སྣང་མ་ཡིན་ཡེ་ཤེས་འོད་གསལ་ལོ།། ཤེལ་འོད་རྣམ་ལྔ་འཕྲོ་བ་ཆོས
iiif viewer powered by OpenSeadragon
