| e-texts navigator |
| Wylie |
39b1 བུ་ཐུགས་རྗེ་རླབས་མི་འགག། ཤེལ་ལྟར་དག་པ་པདྨ་ལྟ་བུར་སྐྱོན་མ་གོས།། ལོངས་སྐུ་ཡེ་ཤེས་འཇའ་ཚོན་སྐུ།། ཆུ་ཟླ་བཞིན་དུ་ངོས་གཟུང་མེད།། མེ་ལོང་གཟུགས་ལྟར་རེག་པའི་དངོས་མ་གྲུབ།། སྤྲུལ་པ་ཁམ་པའི
39b2 མི་མོ་ཁོག་སྟོང་ན།། སྒོ་ལྔ་བུ་གར་བཏོད་ནས་མར་མེ་ནང་བཅུག་པས།། ལུས་ཀྱིས་བསྒྲིབས་ཀྱང་སྒོ་ལྔ་བུ་ག་ཟང་ཐལ་འོད་དུ་གསལ།། དེ་བཞིན་སྦྲུལ་སྐུ་བག་ཆགས་སྦུབས་ནང་ནས།། ཡེ་ཤེས་ཟང་ཐལ་འོད
39b3 གསལ་སྒོ་ལྔར་འཆར།། ཤེས་རབ་ཡེ་ཤེས་འགྲོ་དོན་ཐུགས་རྗེ་ལམ་སྐད་དོ།། ཕྱི་ཡི་སྣང་བ་རྟོག་པ་རགས་པ་ནི།། ལུས་ཀྱི་འཁྲུལ་རྟེན་སྐྱེ་གནས་ཁ་ཡང་བརྒྱུད།། སྣང་ལ་རང་བཞིན་དངོས་མེད་པས།། ཡེ་ཤེས་ཟེར
39b4 ལ་འཁྲུལ་རྟོག་བརྟས།། རྟོག་པ་དེ་ཉིད་ཆོས་དབྱིངས་སྒྱུ་མ་ངོ་ཡང་སྤྲད།། མེ་ལོང་དག་པའི་ངོས་ལ་གཟུགས་བརྙན་སྣ་ཚོགས་འཆར།། བལྟས་པས་མེ་ལོང་ངོས་ལ་སྣ་ཚོགས་དྲངས་ལ་གསལ།། རང་བཞིན་འགག
39b5 མེད་སྣ་ཚོགས་མཚན་ཉིད་སྟོང་།། སྤྲོས་མེད་མེ་ལོང་ནང་དུ་སྣང་བ་དག། དེ་བཞིན་རྒྱང་ཞག་ཆུ་ཡི་སྒྲོན་མ་ལ།། འདྲ་འབག་སྣ་ཚོགས་ཕྱི་ཡི་སྣང་བ་འདི།། རང་རིག་གདངས་ཀྱི་འོད་ལ་བལྟས་པའི་ཚེ།། སྣང་ཙམ་ཉིད
39b6 ན་ངོ་བོས་སྟོང་པ་དངས་ལ་གསལ།། གསལ་ཙམ་ཉིད་ན་རང་བཞིན་དག་པ་སྤྲུལ་པའི་སྐུ།། རང་བཞིན་འགག་མེད་གསལ་སྟོང་ལོངས་སྐུའི་དང་།། སྤྲོས་མེད་སྒྲོན་མར་སྣང་བ་དག་ལ་ཆོས་སྐུ་ཐུགས
iiif viewer powered by OpenSeadragon
