| e-texts navigator |
| Wylie |
39a1 ཤེལ་དྲི་མ་མེད་པ་བཞིན།། ཆོས་སྐུ་དྲི་མ་མེད་པ་ཡིན།། མན་ཤེལ་རྐྱེན་མང་ནང་ནས་འོད་ལྔ་འཆར་བ་ལྟར།། ཆོས་སྐུ་ཡེ་ཤེས་ལྔ་འོད་ཁོང་ནས་འཆར།། དེ་ནས་ལོངས་སྐུ་དཔེ་བསྟན་པ།། མེ་ལོང
39a2 གཡའ་དག་ནང་དུ་ལུགས་སྐུ་གཞག། མདུན་དུ་མཎྜལ་སྟེང་དུ་དམིགས་རྟེན་དེ་གཞག་གོ། ཤེས་རབ་གཡས་པའི་དྲུང་དུ་མན་ཤེལ་ཕྱར།། བར་སྣང་རིག་པའི་སྒྲོན་མས་ཡེ་ཤེས་སྒོ་ཡང་བལྟ།། འཇའ་ཚོན་འབར་བའི
39a3 སྐུ་ཉིད་མཁའ་ལ་འཆར།། ལོངས་སྐུ་དངོས་མེད་ལོངས་སྐུ་དཔེར་ཤེས་བྱ།། སྦྲུལ་སྐུ་དཔེ་ཡིས་མཚོན་བྱ་བ།། མེ་ལོང་ངོས་ལ་བྲིས་སྐུ་འཆར།། གསལ་མདངས་སྣ་ཚོགས་སྣང་ཡང་དངོས་མ་གྲུབ།། སྦྲུལ་སྐུ་ཅིར་སྣང
39a4 མེ་ལོང་གཟུགས་བརྙན་ལྟར།། སྣང་ཡང་ཡེ་ཤེས་ཆོས་དབྱིངས་དོན།། དངོས་མེད་རྒྱུ་ལ་དཔེས་བསྟན་པ།། སྐུ་གསུམ་དབྱེར་མེད་ཉི་མའི་སྙིང་པོའི་དཔེ།། སྐུ་གསུམ་འབྲལ་མེད་ཉི་མ་ཟེར་འོད་འདྲ།། ཉི་མ་རྒྱུ་རྐྱེན
39a5 མེད་པ་ལྷུན་གྲུབ་ལྟར།། སྐུ་གསུམ་རང་བྱུང་རྒྱུ་རྐྱེན་མེད་པ་ཡིན།། ཉི་མ་འོད་ཟེར་སྣ་ཚོགས་འཕྲོ་བ་ལྟར།། སྐུ་གསུམ་རང་བྱུང་འོད་ཟེར་དཔག་མེད་འཕྲོ།། ཉི་མ་སྒྲིབ་མེད་ཟང་ཐལ་དག་པ་ལྟར།། ཆོས་སྐུ་སྒྲིབ་མེད
39a6 ཟད་ཐལ་དག་པའོ།། ཉི་མའི་སྙིང་པོས་འགྲོ་དོན་བྱེད་པ་ལྟར།། ཆོས་སྐུ་སྐུ་གསུམ་རང་བྱུང་འགྲོ་དོན་མཛད།། ཆོས་སྐུ་ནམ་མཁའ་ལྟར་བུར་རང་བཞིན་སྟོང་།། རྡོ་རྗེ་ལྟ་བུར་ངོ་བོ་འཇིགས་འབྲལ་མེད།། རྒྱ་མཚོ་ལྟ
iiif viewer powered by OpenSeadragon
