| e-texts navigator |
| Wylie |
38b1 པར་རང་བཞིན་འོད་གསལ་བ།། འགག་མེད་སྦྲུལ་སྐུ་དུས་དང་གནས་སྐབས་སྦྱར།། མེ་མར་འོད་ཁྱིམ་མེ་ལོང་ངོས་ལ་བསྟན།། བརྡ་དོན་རྟགས་སུ་ཤེས་པར་གྱིས།། སེང་གེ་སྒྲ་ལས། སྦྲུལ་སྐུ་ངོ་སྤྲད་པའི་ལེའུ་སྟེ་སོ
38b2 གསུམ་པའོ།། །། དེ་ནས་སྟོན་པས་འདུ་འབྲལ་མེད་པ་ངོ་སྤྲད་པ།། རང་རིག་ཆོས་སྐུ་གསལ་ལ་རྟོག་པ་མེད།། ཡེ་ཤེས་ལྔ་ཡི་མཚན་ཉིད་དང་ལྡན་ལ།། སྙིང་པོ་སྐུ་ལྔ་ཡེ་ཤེས་ལྷུན་གྲུབ་འཆར།། དེ་ཡི་སྣང་བ་ཡེ
38b3 ནས་འོད་གསལ་བ།། ཉི་མའི་སྙིང་པོ་འོད་དང་ཟེར་དུ་ཆས།། གདམས་ངག་སྣོད་ལྡན་ངོ་ཡང་སྤྲད།། སྦྲུལ་སྐུ་གནས་ལུགས་རྟོགས་བྱེད་པ།། རྫོགས་ཆེན་འོད་གསལ་ཁ་སྦྱོར་དག་ལ་སྤྲད།། ལོངས་སྐུ་གནས་ལུགས
38b4 རྟོགས་བྱེད་པ།། མ་ཧཱ་འདྲ་འབག་ངོ་ཡང་སྤྲད།། སྐུ་གསུམ་དབྱེར་མེད་ངོ་སྤྲད་པ།། ཨ་ནུ་ངོ་སྤྲད་ཉི་མའི་སྙིང་པོས་སྤྲད།། ཅེས་ཉི་ཟླ་ཁ་སྦྱོར་ལས། སྐུ་གསུམ་དབྱེར་མེད་ངོ་སྤྲད་པའི་ལེའུ་སྟེ་སོ་བཞི
38b5 པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། སྤྲད་ཡུལ་བཞི་ལ་དཔེས་མཚོན་པ། ཀྱེ། རིགས་ཀྱི་བུ་དག་ངེས་པར་ཟུང་།། རྡོ་རྗེ་སེམས་དཔའི་མེ་ལོང་འདི།། ཆོས་སྐུ་དངོས་ནི་མ་ཡིན་ཏེ།། མཚོན་དཔེ
38b6 འོད་གསལ་རྟོགས་པར་གྱིས།། སྐུ་གདུང་མན་ཤེལ་རིན་ཆེན་ཟུར་ལྔ་པ།། མན་ཤེལ་ཕྱི་ནང་མེད་པ་བཞིན།། ཆོས་སྐུ་ཕྱི་ནང་མེད་པ་ཡིན།། མན་ཤེལ་ངོ་བོ་ཟང་ཐལ་བཞིན།། ཆོས་སྐུ་ངོ་བོ་ཟང་ཐལ་ཡིན།། མན
iiif viewer powered by OpenSeadragon
