| e-texts navigator |
| Wylie |
38a1 པས་གཟུང་འཛིན་བྲལ།། ནམ་མཁའ་རྡོ་རྗེ་རྒྱ་མཚོ་དང་།། ཤེལ་དང་ཉི་མ་པདྨ་ཡིས།། མཚན་ཉིད་དང་ནི་ལྡན་པ་རུ།། རང་རིག་འཁོར་ལ་བརྡ་དོན་སྦྱར།། རྟགས་དང་དོན་དང་དཔེས་མཚོན
38a2 པ།། རྟགས་ལ་མཐུན་དཔེ་དམིགས་ཡུལ་སྟོན།། མཚོན་ཚིགས་གནས་པའི་དབང་པོར་བཅུག། སྐལ་ལྡན་རྒྱུད་ལ་རིག་པར་གྱིས།། ཞེས་སེང་གེ་སྒྲ་ལས། ཆོས་སྐུ་ངོ་སྤྲད་པའི་ལེའུ་སྟེ་སོ་གཅིག་པའོ།། །། ཀྱེ།།
38a3 བཅོམ་ལྡན་ཐུགས་རྗེ་ཐབས་ཀྱི་བདག། ལོངས་སྐུ་ངོ་སྤྲད་གསུངས་པ་ནི།། ཐུགས་རྗེ་རང་བྱུང་ནང་ནས་བཀའ་སྩལ་པ།། ཡེ་ཤེས་རྩེ་གཅིག་དགོངས་པ་སྟེ།། ཡེ་ཤེས་ལྔ་ཡིས་རང་གདངས་ལས།། རྒྱལ་བ་སྐུ་ལྔ
38a4 འཁོར་དང་བཅས།། ཆོས་ཉིད་གློང་ན་འོད་གསལ་བ།། ཡེ་ཤེས་རྩེ་གཅིག་དགོངས་པ་སྟེ།། གཉེན་ལྕུག་འཁྲིལ་ལྡེམ་རྒྱན་གྱིས་མཛེས།། གསལ་འཚེར་ལྷུན་སྡུག་འོད་ཟེར་འཕྲོ།། རྣམ་རྟོག་མི་མངའ་ས་ལེ་བ།། སྣང
38a5 ལ་དངོས་མེད་ཡེ་ཤེས་ལྷུན་གྱིས་གྲུབ།། འཇའ་ཚོན་ཆུ་ཟླ་མེ་ལྟར་འདྲ་འབག་བཅས།། སྣོད་ལྡན་རྒྱུད་ལ་གདམས་ངག་གཉིས་ཀྱིས་སྤྲས།། ཞེས་སེང་གེ་སྒྲ་ལས། ལོངས་སྐུ་ངོ་སྤྲད་པའི་ལེའུ་སྟེ་སོ་གཉིས
38a6 པའོ།། །། ཀྱེ། བཅོམ་ལྡན་སྐུ་ལྔ་འོད་སྣང་ནས། བཀའ་སྩལ་པ། བདེ་གཤེགས་ལྔ་ཡི་སྣང་བ་ནི།། རང་རང་སོ་སོའི་མཚན་མ་འོད་དུ་གསལ།། གསལ་ལ་མི་གནས་ཡེ་ཤེས་དག་པའི་སྤྱན།། མཐའ་དབུས་མེད
iiif viewer powered by OpenSeadragon
