| e-texts navigator |
| Wylie |
37b1 ལས།། ཡེ་ཤེས་ལྔ་ཡི་རྩལ་ཤར་བས།། མ་བུ་གཉིས་མེད་རང་གྲོལ་ལོ།། སྐུ་གསུམ་རང་ཆས་རང་ལ་གནས་པ་ལ།། སྐུ་གསུམ་ཡེ་ཤེས་འཆར་སྒོ་སྒོ་གསུམ་ཟང་ཐལ་ཏེ།། དེ་ཡི་ལམ་ནས་སྤྱན་གསུམ་ཡེ་ཤེས་སྒྲིབ
37b2 མེད་རྟོགས།། དུས་གསུམ་རང་གྲོལ་དག་ཏུ་མངོན་སངས་རྒྱས།། སེང་གེ་སྒྲ་སྒྲོགས་ཉི་ཟླ་ཁ་སྦྱོར་ལས། འགྲོ་ལ་སྐུ་གསུམ་རང་ཆས་ཀྱི་ལེའུ་སྟེ་སུམ་ཅུ་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། དེ
37b3 ལྟར་སྐུ་གསུམ་རང་ཆས་ན།། ད་ལྟར་མཐོང་སྟངས་ཇི་ལྟར་ལགས།། མ་རྟོགས་ངོ་སྤྲད་ཇི་ལྟར་བགྱི།། བཀའ་སྩལ་པ། བག་ཆགས་ཤ་ཁྲག་སྦུབས་ཆུད་པས།། རབ་རིབ་ཅན་གྱིས་བལྟས་པ་བཞིན།། ལོག་པའི་སྣང
37b4 བར་འཁྲུལ་པ་སྟེ།། སྙིང་པོའི་དོན་ཉིད་མཐོང་མི་འགྱུར།། དཔེར་ན་རང་གི་བྱད་ཉིད་ཀྱང་།། མེ་ལོང་དག་གིས་མཚོན་ཏེ་བསྟན།། འཁྲུལ་པས་རང་ངོ་རང་མི་སྣང་།། དེ་བཞིན་གདམས་ངག་གཉིས་བརྟེན་ནས།། སྙིང
37b5 པོའི་དོན་འདི་བསྟན་པ་ལས།། ལོག་རྟོག་བློ་ཡིས་དོན་མི་རྙེད།། དཔེ་ཡིས་ཤེས་པར་བྱ་བའི་ཕྱིར།། ངོ་སྤྲོད་བཞི་ཡི་བརྡ་ཡང་སྦྱར།། ཨེ་མ་ཧོ། གསང་བདག་ངེས་པར་གཟུང་།། ཆོས་སྐུ་རང་བྱུང་ཡེ་ཤེས་ཆེན་པོ
37b6 ལ།། གཉིས་མེད་སྟོན་པ་ཚིག་ལས་འདས།། མི་སྐྱེ་མི་འགག་རང་བཞིན་རྣམ་པར་དག། ཡོན་ཏན་སྣང་ཚུལ་བརྡ་ཡིས་མཚོན།། སྟོང་ཁྱབ་འགྱུར་མེད་གཡོས་པ་མེད།། དག་ཅིང་གསལ་བ་གོས་པ་མེད།། ཕྱི་ནང་མེད
iiif viewer powered by OpenSeadragon
