| e-texts navigator |
| Wylie |
35b1 ཁ་དོག་མེ་ཏོག་སོགས།། ཐམས་ཅད་ཆོས་སྐུ་འོད་ཀྱི་རོལ་པ་ཟེར་ལས་བྱུང་།། སེང་གེ་སྒྲའི་དགོངས་པ་ཉི་ཟླ་ཁ་སྦྱོར་ལས།། སེམས་ཅན་ས་ལམ་འོད་ཀྱིས་མཚོན་པའི་ལེའུ་སྟེ་ཉི་ཤུ་བརྒྱད་པའོ།། །། ཀྱེ། བཅོམ
35b2 ལྡན་ཐུགས་རྗེ་ཐབས་ཀྱི་བདག། འགྲོ་དྲུག་སེམས་ཅན་ཐམས་ཅད་ལ།། ཡེ་ཤེས་སྙིང་པོ་ཇི་ལྟར་གནས།། ཀུན་གྱི་སྤྱོད་ཡུལ་ལགས་མ་ལགས།། ཀྱེ། ཐུགས་རྗེའི་བདག་པོས་གསུང་དུ་གསོལ།། བཀའ་སྩལ་པ། ཐེ
35b3 ཚོམ་མ་མཆིས་ཡེ་ཤེས་སྙིང་པོ་ནི།། ཉོན་མོངས་སྦུབས་ཀྱིས་དཀྲིས་པ་ཡི།། བག་ཆགས་སྦུབས་ཀྱིས་རྣམ་པར་གྲོལ་བ་ཡི།། དེ་བཞིན་གཤེགས་པ་ཆོས་སྐུ་ཐེ་ཚོམ་མེད།། འོད་ཟེར་འབར་བར་ཐུགས་རིག་འགག་པ
35b4 མེད།། དེ་བཞིན་གཤེགས་པའི་སྙིང་པོའི་མཚན་ཉིད་ནི།། སེམས་ཅན་མ་ལགས་སྲོག་མ་ལགས།། གང་ཟག་མ་ལགས་བདག་མ་ལགས།། དེ་བཞིན་གཤེགས་པའི་སྙིང་པོ་ནི།། ཆོས་ཀྱི་དབྱིངས་ཀྱི་སྙིང་པོ
35b5 ལགས།། དེ་བཞིན་གཤེགས་པའི་སྙིང་པོ་དེ།། འཇིག་ཚོགས་ལྟ་བར་ལྟུང་བ་དང་།། དགེ་སྡིག་ཆོས་ཀྱིས་བཅིངས་པ་དང་།། སྟོང་པ་ཉིད་ཀྱི་སེམས་གཡེང་བ།། དེ་རྣམས་སྤྱོད་ཡུལ་མ་ལགས་ཏེ།། དེ་བཞིན་གཤེགས
35b6 པའི་སྙིང་པོ་ནི།། སྐུ་གསུམ་རང་རིག་ངོ་བོ་འོད་གསལ་ལོ།། འགྲོ་འོད་མེད་པར་ཀུན་ལ་གནས།། ཞེས་དགོངས་པ་སེང་གེའི་སྒྲ་སྒྲོགས་ཐེག་དམན་ཟིལ་གྱིས་གནོན་པ་ཡེ་ཤེས་ཟུང་འཇུག་ཉི་ཟླ་ཁ་སྦྱོར་རྒྱུད་ཀྱི་རྒྱལ
iiif viewer powered by OpenSeadragon
