| e-texts navigator |
| Wylie |
34b1 གསུམ་འོད་ཟེར་ཕུང་པོར་བསྟན་འགྱུར་ཡང་།། དངོས་མེད་ཡེ་ཤེས་ཟང་ཐལ་འོད་ཟེར་སྐུ་ཞེས་བྱ།། རྩལ་གྱི་རོལ་པ་འགག་མེད་སྐྱེ་བ་མེད།། གང་ལ་དྲིས་པ་དེ་ལྟར་བསྟན་ནོ།། རྡོ་རྗེ་འཆང་ཆེན་སེམས་དཔའ་རྡོ་རྗེ
34b2 དེ་ལ་བསྟན།། གཞོན་ནུ་ཁྲོ་གཉེར་ལྡན་པས་མཁའ་འགྲོ་རྣམས་ལ་བཤད།། དེས་ཐོས་དེ་མཐོང་དེས་ཐམས་ཅད་ཤེས།། སེང་གེ་སྒྲ་ཡི་དགོངས་པ་ཉི་ཟླ་ཁ་སྦྱོར་ལས།། སྦྲུལ་སྐུ་འོད་ཟེར་འབྱུང་བ་དང་ཆོས་ཉིད་ཀློང
34b3 དུ་འོད་ཟེར་དག་པར་བསྟན་པའི་ལེའུ་སྟེ་ཉི་ཤུ་བདུན་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། སྙིང་པོ་བྱང་ཆུབ་གཅིག་པའི་ཕྱིར།། འགྲོ་བ་རྣམས་ལ་འོད་ཟེར་ཇི་ལྟར་གནས་པ་གསུང་དུ
34b4 གསོལ། བཀའ་སྩལ་པ། སྒྱུ་མ་ལྟ་བུའི་འོད་ཟེར་འབྱུང་བ་སྟེ།། སྦྲུལ་སྐུ་ཞིང་ཁམས་འགྲོ་དྲུག་ས་ལམ་ལ།། བྱང་ཆུབ་སྙིང་པོ་འོད་དུ་གནས་པ་ཡིན།། འཁྲུལ་ཀྱང་འོད་ཀྱི་ཟེར་ལ་འཁྲུལ།། གནས་ཀྱང་སྙིང་པོ་འོད་ལ
34b5 གནས།། གྲོལ་ཀྱང་ཡེ་ཤེས་འོད་གསལ་གྲོལ།། འོད་ཟེར་རོལ་པ་འགག་མེད་བྲི་བ་མེད།། འོད་དང་ཟེར་མེད་ཐུགས་རྗེ་རྒྱུན་ལམ་ཆད།། དེས་ན་འོད་ཟེར་ཐུགས་རྗེ་རྒྱུན་གྱི་ལམ་ཞེས་བྱ།། སེམས་ཅན་ཀུན་ལ་ཐུགས
34b6 རྗེ་འོད་ཟེར་རྒྱུན་ཁྱབ་ཀྱང་།། ཡེ་ཤེས་རྩལ་མ་རྫོགས་པས་སྦུབས་ཀྱི་བག་ལ་ཞ།། དཔེར་ན་སེང་ཕྲུག་ལུས་ལ་རྫོགས་གྱུར་ཀྱང་།། མ་ཡི་ཁོང་ནས་རྩལ་གསུམ་འབྱིན་མ་ནུས།། སྦུབས་ན་གནས་པ་བརྡ་ཡི་མཚན
iiif viewer powered by OpenSeadragon
