| e-texts navigator |
| Wylie |
34a1 དག་ངེས་པར་ཉོན།། ངས་ནི་སེམས་དེ་དོན་གྱི་ཕྱིར།། སྐུ་གསུམ་ཐུགས་རྗེ་བསམ་མི་ཁྱབ།། བསྟན་ཡང་དོན་ཉིད་བརྗོད་ལས་འདས།། སངས་རྒྱས་ཆོས་རྣམས་མེད་པའི་ཀློང་དུ་ལ་བཟླས
34a2 ནས།། བསྐྱེད་རྫོགས་རྣམ་གསུམ་འབྲལ་མེད་ལམ་དུ་བསྟན།། སངས་རྒྱས་ཐུགས་རྗེ་འབྱུང་བའི་སྒོ་མ་འགགས།། ཨུ་དུམ་ཝ་རའི་མེ་ཏོག་ཚུལ་དུ་བསྟན།། སྦྲུལ་སྐུ་འོད་ཟེར་བྱེ་བ་སྐྱེ་བ་ཡང་།། བསྡུ་བ་གཅིག་ཏུ་མ
34a3 བསྡུས་ན།། མདོ་མི་འདུས་པའི་སྐྱོན་དུ་འགྱུར།། དེ་ཕྱིར་སྐུ་གསུམ་དབྱེ་བ་བྱེད་པའི་ངང་དུ་འདས།། རིགས་ལྔའི་ལོངས་སྐུ་བདེ་ཆེན་དང་དུ་འདས།། སྐུ་ལྔ་ངོ་བོ་ཉིད་ཀྱི་ངང་དུ་འདས།། ཡུམ་ལྔ་མཁའ་གློང་རྣམ་པར
34a4 དག་པར་འདས།། ཡེ་ཤེས་ལྔ་ཡང་མི་གནས་ཡེ་ཤེས་ཆེན་པོར་གནས།། འོད་ལྔ་སྣ་ཚོགས་འབར་བ་ངོ་བོ་ཉིད་ཀྱི་འོད་དུ་འདས།། ཕྱི་ནང་འབྱུང་བ་ཆོས་ཉིད་ནམ་མཁའི་ཀློང་དུ་འདས།། འོད་ཟེར་རང་བྱུང་འོད་ཟེར
34a5 ཆེན་པོར་འདས།། ཟེར་ལ་ཐུགས་རྗེ་རྩལ་གྱི་ངང་དུ་འདས།། རྒྱུད་ཀུན་ཀུན་བཟང་རྩ་རྒྱུད་ཡི་གེ་མེད་པར་འདས།། ལུང་རྣམས་སྙིང་པོ་བྱང་ཆུབ་སེམས་ཀྱི་ལུང་དུ་འདས།། མན་ངག་ཐམས་ཅད་བྱ་རྩོལ་མེད་པའི
34a6 ང་དུ་འདས།། ཆོས་རྣམས་ཐམས་ཅད་ཡེ་ཤེས་རིག་པའི་གློང་དུ་འདས།། རིགས་ཀྱི་ཆོས་རྣམས་ཐམས་ཅད་ཚིག་དང་བླ་དགས་ཐ་སྙད་དོ།། ཆོས་སྐུ་འོད་གསལ་རིག་པའི་སྙིང་པོ་ཡེ་ཤེས་མཐའ་ལས་འདས།། སྐུ
iiif viewer powered by OpenSeadragon
